"Жанболатқа қауіп төніп тұр!": Инга Иманбай қорғаушы мәртебесінен айырылды

2839

Белсенді Инга Иманбай күйеуі Жанболат Мамай ісінде қорғаушы мәртебесінен айырылды. Бұл туралы ол өзінің Facebook парақшасында хабарлады, деп жазады "Адырна" ұлттық порталы.

Инга Иманбайдың хабарлауынша, Алматы прокуратурасы оған Жанболаттың ісі бойынша" куәгер" екенін алға тартып, бейсенбі күні күйеуіне кіргізбеген.

"Жанболатқа қауіп төніп тұр! Бүгін мені оған кіргізбеді. Енді мүлде кіргізбейміз, көрсетпейміз дейді. Алматы қаласы прокуратурасы мені Жанболаттың қорғаушысы статусынан айыратын қаулы шығарып, түрмеге өткізіпті. Сылтаулары: 4 қаңтар күні Жанболатпен бірге митингке шыққан мен іс бойынша куәгер екенмін-мыс. Иә, заңды күйеуіме қарсы куәлік етуге мәжбүрлемек болғандары рас. Бірақ, мен Жанболатқа қарсы куәлік беруден бас тартқанмын, іс бойынша жақын туысыма куәгер болмау менің заңды құқығым. Енді жарымды заңсыз, жаламен түрмеге қамағандары аздай, өзімді ұрып-соғып қанағадары аздай, менің заңды құқығымды осылай аяқ асты ету керек пе?! Бұл не деген сұмдық?", - деп жазды ол.

"Адырна" ұлттық порталы 

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket