Қазақстанның бұрынғы көлік және коммуникация министрі Қажымұрат Нағманов 74 жасқа қараған шағында өмірден өтті. Бұл туралы «Қазақстан темір жолы» ҰК» АҚ баспасөз қызметі хабарлады, деп жазады "Адырна" ұлттық порталы.
"2022 жылдың 3 шілдесінде Қазақстан Республикасының бұрынғы Көлік және коммуникация министрі, "Қазақстан темір жолы" ҰК" АҚ-ның бұрынғы вице - президенті, Қазақстанның көлік саласының дамуына қомақты үлес қосқан Қажымұрат Ыбырайұлы Нағманов өмірден өтті", - делінген жексенбі күнгі хабарламада.
Қажымұрат Нағманов бұдан бөлек 1990 жылдардың соңында Жезқазған және Шығыс Қазақстан облысы әкімі қызметін атқарды. "Қазақстан темір жолы" ұлттық компаниясының вице-президенті, ҚР Президентінің кеңесшісі болды.
"Адырна" ұлттық порталы
