Украинаның Кременчуг қаласындағы сауда орталығы зымыранмен атқыланды. Бұл туралы жергілікті облыстық әскери әкімшіліктің басшысы Дмитрий Лунин айтты, деп хабарлайды «Адырна» тілшісі.
Соққы салдарынан кем дегенде 18 адам қаза тауып, 59 адам жарақат алған.
Украина билігінің мәлімдеуінше, шабуылды Ресей әскери күштері жасаған. Зымыран «Амстор» сауда орталығына құлады. Ол өрттің салдарынан толығымен жанып кетті.
«Бұл шабуыл Еуропа тарихында болған ең сұмдық террорлық әрекет болды. Сауда орталығында әйелдер мен балалар жүрген еді. Әуе дабылы жарияланбас бұрын онда мыңға жуық адам болды. Абырой болғанда, көбі құтқарылып, аман қалды»,— деді Владимир Зеленский.
