Ораз Жандосов Бағдат Мусиннің штаттан тыс кеңесшісі болып тағайындалды

"Маған кез келген сәтте кеңес беретін аса тәжірибелі, өзім арқа сүйейтін кісілердің бірі - Ораз Әлиұлы Жандосов. Онымен Қазпоштада жұмыс істегенде танысқан болатынмын, ол кезде тәуелсіз директор болатын және Директорлар кеңесінің төрайымы Елена Леонидовна Бахмутовамен бірге маған тәжірибелік тұрғыда көп қолдау көрсетіп, бағыт-бағдар жасаған еді. Сондықтан мен экономика саласының білікті маманы Ораз Жандосовқа штаттан тыс кеңесші болуға ұсыныс жасадым", - делінген жазбада.

Қазақстандық экономист, топ-менеджер және мемлекет қайраткері Ораз Жандосов 1961 жылы 26 қазанда дүниеге келген. 1983 жылы Мәскеу мемлекеттік университетінің экономика факультетін үздік бітірген (экономист-кибернетик).

Бұған дейін Қазақстан Үкіметінің қаржы мәселелері жөніндегі вице-премьері, KEGOC ұлттық компаниясының басшысы, Ұлттық Банктің төрағасы, қаржы министрі қызметтерін атқарған.

«Адырна» ұлттық порталы