Қырым көпірін міндетті түрде жоямыз - Украина ішкі істер министрі

558
Фото: azh.kz
Фото: azh.kz

Украина Ресейдегі  Қырым көпіріне соққы бермек.  Бұл туралы Украинаның ішкі істер министрінің кеңесшісі Виктор Андрусив мәлімдеді, жеп хабарлайды “Адырна” ұлттық порталы.

“Қырым көпірін міндетті түрде жоямыз, бұл уақыт мәселесі… Тапсырманы орындау үшін украин армиясында қажетті қарулар бар, бірақ Азов теңізіне тағы да жақын жылжуымыз керек»,- деді Виктор Андрусив.

“Вот так» басылымы бірнеше күн бұрын Қырым көпірі 9 мамыр күні жарылуы мүмкін деген ақпарат таратқан.

Осының алдында Латвия қарулы күштерінің өкілі Янис Слайдиньш те 9 мамыр күні украин әскері Қырым көпіріне соққы беруі мүмкін деген болжамын айтқан. Бұл маңызды стратегиялық нысан екенін, егер ол жойылса, Ресей үшін ауыр соққы болатынын айтқан.

Ресей мен аннексияланған Қырымды қосатын көпір 2019 жылы салынған. Оның қашықтығы – 19 шақырым. Құрылысты салуға 250 млрд рубль жұмсалған.

Ресей Украинаға басып кіргелі бері Азов теңізінің жағалауын толық бақылауына алған. Бұл әзіге РФ үшін Қырым түбегін толық бақылауға мүмкіндік беріп тұр.

Адырна” ұлттық порталы

Пікірлер
Ұқсас жаңалықтар
Серіктестер/Партнеры
Студия IMA - создание сайтов Доставка цветов Астана - Lova Buket