Бішкек билігі «мүмкін болатын жаппай тәртіпсіздіктердің алдын алу және жолын кесу үшін» мемлекеттік мекемелердің, Ресей елшілігінің жанында және орталық алаңда митингілер өткізуге тыйым салды, деп хабарлайды “Адырна” ұлттық порталы.
Билік жүгінген сот бұл тыйым салуды заңды деп таныды.
Шешімге сәйкес, 13 сәуір мен 1 қыркүйек аралығында Бішкекте Қырғызстан Республикасы Жогорку Кенешінің, Ресей Федерациясының елшілігінің ғимараттарының жанында, Ала-Тоо алаңында, Қырғызстан президенті әкімшілігі мен мемлекеттік органдардың жанында наразылық шерулерін өткізуге тыйым салынды. Қырғызстан астанасының билігі митингілер үшін Максим Горький атындағы алаңды белгіледі.
“Адырна” ұлттық порталы.
