Қазақстанға Ресейден келетін «мұсылман» шұжығынан шошқа ДНҚ-сы табылды, деп хабарлайды ҚР Денсаулық сақтау министрлігі Санитарлық-эпидемиологиялық бақылау комитетінің (СЭҚКО) Ұлттық сараптама орталығы.
«Қазақстан сөрелерінде сатылатын Ресей Федерациясынан келген сиыр етінің консервілері мен жартылай ысталған мұсылман шұжықтарынан шошқа ДНҚ табылды. Зерттеу нәтижелері ҚР Денсаулық сақтау министрлігінің Солтүстік Қазақстан облысы бойынша ҚСЭК «Ұлттық сараптама орталығы» ШЖҚ республикалық мемлекеттік кәсіпорнының сынақ зертханасында анықталды», - делінген бейсенбі күні таратқан хабарламада.
Нақтыланғандай, наурыз айында Солтүстік Қазақстан облысы бойынша санитарлық-эпидемиологиялық бақылау департаменті халық тұтынатын тауарлардың сапасына мониторинг жүргізу аясында 38 ет сынамасын сатып алған болатын.
”Адырна” ұлттық порталы
