Сыртқы істер министрінің бірінші орынбасары тағайындалды

793

Мемлекет басшысының өкімімен Сыртқы істер министрінің бірінші орынбасары тағайындалды, деп хабарлайды ”Адырна” ұлттық порталы Ақордаға сілтеме жасап.

«Ақан Ақасұлы Рахметуллин Қазақстан Республикасы Сыртқы істер министрінің бірінші орынбасары болып тағайындалды, ол Қазақстан Республикасы Сыртқы істер министрінің орынбасары лауазымынан босатылды. Ал Әділ Қапанұлы Тұрсынов Қазақстан Республикасы Сыртқы істер министрінің орынбасары лауазымына тағайындалды», деп жазылған хабарламада.

Ақан Рахметуллин 1967 жылы 2 ақпанда Алматы қаласында дүниеге келген. 1991 жылы Алматы энергетикалық институтын бітірген. 1999 жылы – СІМ Дипломатиялық академиясын бітірді.

Дипломатиялық мансабын 1993 жылы референт лауазымынан бастаған. Қазақстанның Пәкістандағы, Австриядағы елшіліктерінде, Қазақстанның Нью-Йорктегі БҰҰ жанындағы тұрақты өкілдігінде жұмыс істеді. Онда БҰҰ Бас Ассамблеясының үшінші комитетінің жұмысын жүргізді.

Сыртқы істер министірлігінің Алматыдағы өкілінің кеңесшісі болған. Қазақстанның халықаралық ұйымдармен ынтымақтастық мәселелеріне жетекшілік етті. Орталық аппаратта көпжақты ынтымақтастық департаментін басқарды.

Ақан Рахметуллин 2019 жылдан бері Қазақстан Республикасының Пәкістан Ислам Республикасындағы Төтенше және Өкілетті елшісі қызметін атқарған.

І санатты Төтенше және Өкілетті Уәкіл дипломатиялық дәрежесі бар.

”Адырна” ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket