ҚР Орталық сайлау комиссиясының төрағасы Жетісу жұртымен ашық диалог өткізді

2281
Adyrna.kz Telegram

ҚР Орталық сайлау комиссиясы алғаш рет ел аумағында халықпен кездесу өткізіп жатыр. Аталмыш ведомство өкілдері бұған дейін елдің 8 облысында ауқымды жиындар өткізген. Ендігі кезекте олар Алматы облысына да болады, деп хабарлайды “Адырна” ұлттық порталы.

Арнайы іс-сапар барысында ҚР Орталық сайлау комиссиясының төрағасы Нұрлан Мәжитұлы Жетісу жұртымен ашық диалог өткізді. Басты мақсат- мемлекет басшысының 2020 жылғы жолдауында сайлауға қатысты айтылған тапсырмаларын жүзеге асыру.


Президенттің халыққа Жолдануында, ауыл әкімдерін тікелей сайлау бастамасы көтерілген болатын. Соның нәтижесінде, 935 ауыл әкімін тікелей сайлау науқаны өткізілді. Өткен жылы 25 шілде де 736 әкім сайланған еді. Ендігі кезекте Қасым-Жомарт Кемелұлы 2023 жылы аудан әкімдерін тікелей сайлау пилоттық жоба ретінде жүзеге асатынын айтты. Сондықтан да, бұл кездесу алдағы саяси дода алдындағы дайындықтың алғашқы сатысы болып табылады.

Кездесуде сөз алған Нұрлан Әбдіров, Президенттің сайлауды жаңа форматқа көшіру керектігі туралы айтқандығын атап өтті.

«Қасым-Жомарт Тоқаев елмен кездесіп, олардың мұң-мұқтажын есту керек. Ұсыныстары болса тыңдап, ескеру қажет. Негізгі мәселе - сайлау процессін жетілдіру, қоғамның сұраныстарына қарай осыны ұйымдастырып, алдағы сайлау науқандарын заңға сүйене отыра қамтамасыз ету қажет деп тапсырмасын берді»,-деді ҚР Орталық сайлау комиссиясының төрағасы.

Жиында сайлау науқанындағы жүйелердің бір ізділігі, комиссия құрамы мен саяси доданы өткізудегі әділдікті қамтамасыз ету сынды бірқатар сұрақтар көтеріліп, тұрғындар тарапынан ұсыныстарда айтылды.
Кездесуде алғашқы ұсыныс, Алматы облысы қоғамдық палатасының төрағасы Болат Әбішұлының тарапынан түсті. Ол Сенат депутаттарының сайлауына әр өңірдегі қоғамдық кеңестің бір мүшесі сайлануы керек деген ұсынысын жеткізді. Оның пайымынша, сонда ғана сенат-халықтық деген атқа ие болады. Келесі кезекте, республикалық бақылаушылар ұйымының мүшесі Ермек Ешмұхаметов халықтың сайулаудың әділдігіне сенбейтіндігін сонымен қатар, науқан кезінде аумақтық сайлау комиссия мүшелерінің пендешілікке салынатынын ашып айтты. Ол, сайлау комиссияларының мүшелері ретінде мемлекеттен жалақы алмайтын, билікке тәуелсіз қоғамдық емес ұйымдардың өкілдерін сайлау комиссиясының құрамына енгізу шарт деген ойын білдірді. Сөзінің соңын Ермек Ешмұхаметов «Жаңа Қазақстанды құрғымыз келсе, мемлекетті ойлауымыз қажет»,- деп түйіндеді.

Сонымен қатар, өзгеде қоғам қайрат керлері мен кеңес мүшелері, аумақтық сайлау комиссиясының құрылуына өзгеріс енгізіп, саяси доданың дұрыс өтуі үшін елдің белсенділігін арттыру керектігі жайлы пікірлерін ортаға салды.
Әуелде сайлау жүйесіне жаңа формат енгізуге қатысты кездесуге келгендер, электронды жүйеге көшу керек десті. Дегенмен, ашық диолог алаңында жиналған жұрттың ойы екіге бөлінді. Бірі, элктрондық жүйе- сайлаудың ашық әрі әділ өтетініне елдің сенімін ұялатады деді. Екінші топ, шалғай елді мекендерде ғаламтордың жылдамдығының аздығы мен қариялардың жаңа форматқа үйреніспейтіндігін айтып жатты.

Ал, ҚР Орталық сайлау комиссиясының мүшелері бұл форматқа әлі ауыспайтындығын, жүйені жаңашалау үшін қыруар қаржы қажеттігін алға тартты.
Жиын соңында төраға, сайлау жүйесіндегі кететін олқылықтардың басым бөлігі сайлау комиссияларының мүшелері қолданыстағы заңды білмейтіндігі деп қысқа қайырды.

ҚР Орталық сайлау комиссиясының төрағасы Нұрлан Мәжитұлы елде 70 мың учаскелік сайлау комиссиясының мүшелері бар екендігін, алайда олардың көпшілігінің «Сайлау туралы» заңды білетіндігіне кепілдік бере алмайтындығын тілге ттиек етті. Дәл осы қателік, бақылаушылар арасында да кездесетіндігін жеткізді.

« Әркім өз құқығын білуі керек. Осы жағынан оқып, үйретуіміз қажет. Біз өз тарапымыздан қолдан келгенше Президенттің тапсырмасын толық қамтуға тырысамыз. Қазір өзгерістің заманы. «Жаңа Қазақстан» деген жалаң сөз болып қалмауы тиіс. Бәрісіз де шынайы біліміз бен тәжірбиемізді елдің болашағы жолында сарп етуіміз қажет»,-деп қорытындылады ҚР Орталық сайлау комиссиясының төрағасы Нұрлан Мәжитұлы.

”Адырна” ұлттық порталы

Пікірлер