Айтатұғын аузынан сөзі қашып,
Бозбала тұр, өзі аңқау, өзі ғашық.
Қақпа алдында қонаққа еті үйренген,
Қара төбет қарайды аузын ашып...
(Қадыр)
Бұл суретті аты аңызға айналған фототілші Болат Омарәлиев он сегіз жасында түсірген. Шырт еткізгені шедевр боп шығатын Бөкеңнің осы дүниесі де өте құнды. Жалқын күн, батқан нұр, бір сәтке жуасып, бозбала мен бойжеткеннің әдемі әңгімесіне құлақ түрген өр өзен... Бір-біріне екі метр жерден тіл қатып тұрған қос мұңлықты қарасайшы... Сезімнің сұлу, ардың асқақ, ойдың тұнық, мінездің ірі, ұяттың тірі кезі...
Жалғыз кадр - тұтас дәуір!
Бітімі бөлек Болат аға!
Бауыржан Омарұлы
