Мәскеуде Ресейдің әрекетін қолдау мақсатында шеру-концерті өтті. Бірақ Қырым мен Ресейдің қосылғанына 8 жыл деген тақырыпта ұйымдастырылған шарада айтылған “Это моя страна” әні қазақ белсенділерінің алаңдаушылығын тудырып отыр, деп хабарлайды "Адырна" сайты.
Солардың бірі Мұрат Әбенов.
"Казахстан наш" дей ме? Мәскеуде Қырымның Ресеймен қосылғанына 8 жыл толуына орай шеру-концерті өтті. Дәл осы шара арқылы үлкен аудиторияға Ресейдің басты мақсатын сіңіру көзделгені көрінеді. Әрине, бұған қарап қазіргі көліктеріне саяси белгі жабыстырғандардың да қайда қарап ой түзейтінін айқын аңғарамыз. Әннің қай кезде, қалай жазылғаны маңызды емес. Маңыздысы дәл қазіргідей екі ел арасындағы шиеленістің ушыққан уақытында қолданылуы ғой. Тіпті осы Газмановтың Ресей жеңісінен кейін Киев төрінде шығармашылық жеке концертін береді деген мемдер де тарап жатыр", — дейді Мұрат Әбенов.
