Маңғыстау облысындағы «Өзен» кен орнында қосымша барлау жолымен жаңа мұнай шоғырлары табылды, деп хабарлайды «Адырна» тілшісі.
Нәтижесінде алынатын мұнай қорының өсімі 39,9 млн тоннаны құрады.
Көмірсутектер қорының өсуі компанияның экономикалық көрсеткіштеріне айтарлықтай әсер етеді.
«2017 жылы «ҚазМұнайГаз» ҰК» АҚ, «Өзенмұнайгаз» АҚ, «ҚМГ Инжиниринг» ЖШС геологтар тобы «Өзен» кен орнын қосымша барлау бойынша егжей-тегжейлі бағдарламаға бастамашылық етті. Осы бағдарлама аясында 2017-2021 жылдар аралығында 3D сейсмикалық барлау жүргізіліп, геологиялық тұжырымдама қайта қаралды және геологиялық 3D моделі құрылды. Жүргізілген жұмыстардың нәтижесі бойынша кен орнының құрылымы нақтыланып, жаңа мұнай кен орындары ашылды. Сондай-ақ, «Өзен» кен орнындағы мұнай қоры 8%-ға өсті, бұл сандық мәнде алынатын қордың 39,9 млн тоннасын құрайды»,– делінген хабарламада.
