"Аманат" қоғамдық комиссиясы негізсіз қудалауға ұшыраған 10-нан астам азаматты босатып алды

3369

Қаңтар оқиғаларына байланысты негізсіз қудалауға ұшырап жатқан азаматтардың құқығын қорғап, бостандыққа шығару мақсатында құрылған «Аманат» қоғамдық комиссиясы жұмысын бастады, деп хабарлайды "Адырна" ұлттық порталы. 

Комиссияның мақсаты: Қаңтар оқиғасы кезінде болған жағдайларға байланысты бүгінгі күні қудалаушылық көріп, тергеуде жүрген азаматтар арасынан қылмыстық пиғылы болмаған немесе осы жағдайға кездейсоқ тап болған, тек бейбіт шеруге шыққандарды анықтап, олардың жазықсыз жапа шекпеуі үшін мейлінше көмек беріп, қылмыстық қудалаушылық қысымнан алып шығу.

Қаңтар оқиғасы кезінде ғимараттардың өртенгені, қиратылып, тонауға ұшырағаны, адам шығыны болғаны бұлжымас факт. Осы орайда қарапайым халықты пайдаланып, арам пиғылдарын іске асырмақ болған қылмыстық топ немесе экстремистер анықталып, тиісті жазасын алуы керек деп санаймыз. Ал біз құрған комиссияның мақсаты осы қанды оқиға барысында бейбіт шеруге шыққан адал ниетті азаматтар мен арам пиғылды қаскөйлердің ара жігін ажырату. Жазықсыз жандардың жапа шекпеуіне, қудаланбауына, заңмен қорғалуына барынша көмек көрсету. Үйінде алаңдап күтіп отырған бала-шағасымен, ата-анасымен, жан-жарымен аман-есен қауышуына жәрдем беру.

Комиссия құрамында барлығы 8 адам. Оның төртеуі кәсіби адвокат, бір ҚР Парламенті Мәжілісінің депутаты, бір ұлттық қоғамдық кеңестің мүшесі, бас прокуратура мен ішкі істер министрлігінің бір-бір өкілі.

"Комиссияның құрылуына байланысты құқық қорғаушыларды, қоғам белсенділерін, БАҚ өкілдері мен барша азаматтарды осы игі іс төңірегінде бірігуге, маңызды жұмысқа жұмыла атсалысуға шақырамыз!", деді Абзал Құспан"

Ал бүгін, яғни 25 қаңтарда Абзал Құспан Facebook желісіндегі парақшасында 11 адамды босатып алғандары туралы жазба жариялады.

«11 адамды босатып алдық. Денсаулық жағдайына байланысты. Ал 4 адамды қазір ауруханадан шығару керек.

«Тағы қанша адам шығады?» деген журналистің сұрағына «Онымен айналысып жатырмыз, қарап жатырмыз» деп жауап берді ол.

«Олардың жататын орындарына бармаймыз ғой. Оларды адвокаттардың, тергеушілердің кездесетін жеріне алып шығады. Біз жұмысты кеше ғана бастадық. Сенбі күні ғана рұқсат берілді. Бұл бастамамызды президент әкімшілігі қолдайтынын білдіріп, прокуратура органдарымен бірге жұмыс істеуге тапсырма берді. Кешеден бастап арнайы мамандармен материалдарды енді-енді қарап бастадық.

11 адам тек қана қылмыстық іс бойынша босатылды. Олар 272 баппен ұсталған еді.

Мысалыға мына бауырымыздың ешқандай кінәсі жоқ, күзет басқармасында қызметте істейді. Олар керісінше белсенді болады», — деді ол желіде тараған видеода.

              "Адырна" ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket