Главная
Жаңалықтар
Қызылордада 3-сынып оқушылары төменгі сынып оқушысын соққыға жыққан

Қызылордада 3-сынып оқушылары төменгі сынып оқушысын соққыға жыққан

20.01.2022

2300

https://adyrna.kz/content/uploads/2022/01/7f1a1769-7380-45d0-80fc-57ce12a38f28.jpeg

Қызылордада 3-сынып оқушылары төменгі сынып оқушысын ұрып-соққан. Оның екі тізесі жараланған, - деп хабарлайды “Адырна” ұлттық порталы Tengrinews.kz сайтына сілтеме жасап. Төтенше жағдай облыс орталығындағы жеке мектептердің бірінде болған. Дәрігерлер балаға екі аяғы жараланған деген диагноз қойды.

Әжесінің айтуынша, оқу орнының басшылығы бұл жағдайды анықтаудың орнына, полицияға арыз жазған ата-анаға наразылық білдірген. Мектеп директорымен, мұғалімдермен әңгімелескеннен кейін баланың анасы өтінішті қайтарып алған.

"Менің ойымша, бәрі қысым көрсеткесін осылай жасады. Ол болған жағдайды анықтау үшін мектепке жалғыз барды. Мен сол күні бірге бара алмадым. Мұғалімдер кінәлі ұлдармен сөйлескендерін, бұдан былай қайталанбайтынын айтқан. Қызым сеніп, солай қалдырған", - дейді Гүлназ Қалиева.

Әжесіне бұл жағдайды қабылдау қиын болған. Қазір бала үйде, жүргенде қиынсынады. Әжесінің айтуынша, психологиялық тұрғыдан да қиын.

"Мен оның неге төтеп бергенін елестете алмаймын. Ол дәретханаға сұранған. Оны 3-сыныптың екі оқушысы шақырып, спортзалға апарған. Онда апарып, тепкілеген. Ол кейін 20-ға дейін, содан кейін тағы да санап, осылай жасағандарын, келеке қылып күлгендерін айтты. Ұлдар оны ешкімге айтпасын деп қорқытқан. Егер айтса, одан да қатты ұрып-соғатындарын айтқан. Мектепте ол ақсаңдап жүрген, бірақ мұны мұғалімдердің ешқайсысы, сынып жетекшісі де байқамаған. Тек үйде қызым сұрағаннан кейін айтты. Балалар ауруханасына апарып, рентгенге түсірдік. Диагнозы - екі тізесінің жарақаты. Үйде емделеді, тізесіне зақым келмеді ме деп қорқамын. Бейбіт күнде мектеп қабырғасында не болып жатыр?", - деді әжесі.

Қызылорда облыстық Полиция департаментінің баспасөз қызметі өкілі бұл іс бақылауға алынғанын айтты.