Алматы облысында үйінен кеткен 17 жастағы Ясмина бір жарым айдан кейін Қарағанды қаласындағы жекеменшік балабақшадан табылды, деп хабарлайды “Адырна” КТК-ға сілтеп.
Жасөспірім аталған мекемеде жұмыс істеп жүрген.
Ясмина үйінен ата-анасы ұйықтап жатқан кезде кеткен. Арнайы комиссия жасөспірімнің үйден кету себептерін анықтау үшін жұмыс жүргізген. Қыздың айтуынша, ол өз бетінше өмір сүріп көру үшін үйден кеткен. Ата-анасы оқуын жалғастырғанын қалағанымен, оның оқуға деген ынтасы болмаған.
Бір жарым айдан кейін Ясмина ата-анасымен өзі байланысқа шыққан. Қазір ол отбасына оралған.
«Өзімнен де қателік болды. Хабарласқым келіп жүрдім. Сағынып, ішімнен қиналып жүрдім. Эфирді көргеннен кейін хабарласуға түрткі болды. Қазір жағдайым жақсы, ата-анаммен тұрғым келеді», — деді Ясмина.
Қазір жасөспіріммен психологтар жұмыс істеп жатыр. Ол болашақта тігінші болуды армандайтынын айтқан. Мамандар қызға қажетті құрал-жабдықтарды алып беруге және жоғары білім алуына жағдай жасауға уәде берген.
Қазір заңды өкілдермен және құқық қорғау органдарымен бірлесіп профилактикалық жұмыстар жүргізіліп жатыр. Психологиялық көмек көрсету де жалғасады.
