Түркияда бортында 110 адам болған туристік кеме суға батып кетті, деп хабарлайды «Адырна» тілшісі.
Оқиға 29 мамыр күні Дженнет аралы маңындағы теңіз айдынында болған. Алдын ала мәлімет бойынша, кеме капитаны су көлігіне су кіре бастағанын байқаған. Ол кемені жағаға бағыттауға тырысқанымен, минут сайын су басу жылдам күшейген.
Экипаж жедел әрекет етіп, шұғыл эвакуация жариялаған. Су астына кетіп бара жатқан кемеге жақын маңдағы басқа экскурсиялық қайықтар мен жағалау күзеті катерлері дереу көмекке келген.
Нәтижесінде барлық 110 жолаушы дер кезінде құтқарылып, басқа су көліктеріне отырғызылған. Эвакуациядан бірнеше минут өткен соң кеме толықтай суға батып кеткен.
Жергілікті биліктің мәліметінше, оқиға салдарынан зардап шеккендер жоқ. Қазір мамандар кеменің не себепті суға батқанын анықтап жатыр, ресми тергеу басталды.
