Бүгін елімізде Жалпыхалықтық аза тұту күні. Қарағанды облысының әкімі Жеңіс Қасымбек қайғылы оқиғада қаза болғандардың жақындарына көңіл айтты, деп хабарлайды "Адырна" ұлттық порталы.
- Бүгін Жалпыхалықтық аза тұту күні қаза тапқан бейбіт азаматтардың және өздерінің кәсіби борыштарын атқара отырып, қаза болған журналистер, дәрігерлер, өрт сөндірушілер, полицейлер мен әскери қызметшілердің отбасыларына, туған-туыстары мен жақындарына қайғырып, көңіл айтамыз. Олар халыққа соңына дейін адал қызмет етті, - деп жазды облыс басшысы Facebook-тегі парақшасында.Жеңіс Қасымбек қаза болғандардың арасында жерлестері Әділ Нүркенов барын жазды.
- Қаза болғандардың арасында біздің жерлесіміз, Алматыда қызметтік борышын орындау кезінде қаза тапқан Ұлттық қауіпсіздік органдарының капитаны Әділ Нүркенов бар. Әділдің отбасына барлық қажетті моральдық және материалдық қолдау көрсетілетін болады, - деп жазды облыс әкімі.
"Адырна" ұлттық порталы
