• Қазақ
  •   
  • Qazaq
  •   
  • قازاق
  •   
    Home » Jańalyqtar » Sarapshylar: Ertaevta óte mańyzdy aqparat bar. Ol qazaqstandyq bankterdi qurtyp jibere alady

    Sarapshylar: Ertaevta óte mańyzdy aqparat bar. Ol qazaqstandyq bankterdi qurtyp jibere alady

    14 mamyrda Máskeýde úı qamaqta otyrǵan Jomart Ertaev Qazaqstan azamattyǵynan bas tartýǵa aryz jazdy. Bul týraly Today.kz tilshisine Ertaevtyń advokaty, máskeýlik “Leksým” advokattar kollegııasynyń basshysy Alekseı Petrov málimdedi.

    “Biz búgin Qazaqstan azamattyǵynan bas tartýǵa aryz jazdyq”, – dedi Petrov.

    Alekseı Petrov jelige taraǵan Jomart Ertaevtyń óz aryzy ekenin rastady. Tutqyndaǵy bankır qylmystyq iske qatysty óz ustanymyn aıtyp, azamattyqty ne úshin aýystyrǵysy keletinin túsindirgen bolatyn.

    Ertaev “Qazaqstan men Reseı prezıdentteriniń ortaq ekonomıkalyq, mádenı, quqyqtyq jáne aqparattyq keńistik qurýǵa baǵyttalǵan saıasattaryn únemi qoldap kelgenin, qoldaı da beretinin” aıtty. Bankır  ıntegraııalyq proesterdiń belsendi qatysýshysy bolýdy únemi qalaǵanyn, biraq saıasatpen aınalyspaǵanyn, aınalyspaıtynyn da málimdedi.

    “Máskeýde úsh jyl turyp, ıntegraııanyń mańyzdy bóligi bolyp tabylatyn jobany damytyp jatyrmyn: biz Qytaıdan Batys Eýropaǵa baǵyttalatyn telekommýnıkaııa torabyn qurýdamyz, aýqymdy jobanyń birinshi kezeńi – Qazaqstan men Reseı arasyndaǵy torap. Bul jobanyń eki memleket úshin de qanshalyqty mańyzdy ekenin túsinemin, jastarymyzǵa qandaı bolashaq beretinin uǵynamyn, aldymda mańyzy zor másele turdy. Integraııalyq proesterdi barynsha tıimdi basqarý úshin Reseıge kóshý sheshimin qabyldaýǵa májbúr boldym. Sondyqtan úsh jyl buryn Reseıge kóship, Reseı Federaııasy aýmaǵyndaǵy zań talabyna qatysty áreketterdi bastadym. Ýaqytsha turýǵa aryz jazyp, keıin zańǵa sáıkes merzimde RF azamattyǵyn alýǵa aryz berdim. Zańǵa baǵyna otyryp, Qazaqstan Respýblıkasy azamattyǵynan shyǵý sheshimin qabyldaýǵa májbúr boldym, óıtkeni eki eldiń azamattyǵyn qatar alýǵa tyıym salynǵan”, – dedi Jomart Ertaev.

    Ol QR IIM baspasóz málimdemesindegi sózderdi mysalǵa keltire otyryp, ózine taǵylǵan barlyq aıypty joqqa shyǵardy.

    “Jýrnalıster men barlyq qyzyǵýshylyq tanytqan adamnyń nazaryn mynaǵan aýdarǵym keledi, Reseı men Qazaqstannyń qylmystyq Kodeksterinde “lobbızm” degen qylmys joq. Osylaısha men eshqashan Bank RBK-da jumys istegen joqpyn, uıymnyń shtatynda bolǵan emespin, ol jaqtan aılyq almadym, bank akıonerlerdiń quramynda bolmadym, buny ashyq derekkózden tekserý ońaı. Sáıkesinshe nesıe berý jumysyna yqpal ete almaıtyn edim, bireýdiń qyzyǵýshylyǵyna oraı jumys isteıtindeı múmkindigim bolǵan joq”, – dedi Ertaev.

    Esterińizge salaıyq, Máskeýde 8 mamyr kúni Qazaqstan IID Interpolynyń Ulttyq ortalyq bıýrosynyń saýalymen bankır Jomart Ertaev ustaldy.

    Ertaevtyń asa iri kólemde alaıaqtyq jasaǵany úshin halyqaralyq izdeýde júrgeni aıtyldy.

    Ol Bank RBK AQ dırektorlar keńesiniń tóraǵasy bola turyp jalǵan JShS-nyń 80 mıllıon AQSh dollaryn bankten qaryz retinde alýyn maquldaǵan. Sondaı-aq qaryzdy qaıtarmaýǵa yqpal etetin áreket jasaǵan.

    Reseılik BAQ Máskeýde bankırdiń ustalǵanyn habarlaǵan ediToday.kz oqyrmanǵa Jomart Ertaevtyń ómir jolynan úzindi usyndy.

    Keıbir sarapshylardyń sózinshe, Ertaevta óte mańyzdy aqparat bar, bul aqparat qazaqstandyq bankterdi qurtyp jibere alady.

    Qazaqstandyq bankırdiń Reseı azamattyǵyn alýdy suraǵany belgili boldy.

    ______________________________________________________________________________________________________________   today.kz

    Leave a Reply

    x

    Check Also

    “Qyzyl Aı” qoǵamy Qazaqstanda 50 bas iri qarany qurbandyqqa shalyp, taratty

    Qurban aıttyń alǵashqy kúni   “Qyzyl aı” qoǵamy Qazaqstanda 50 bas iri qarany qurbandyqqa shaldy.  Shymkent ...