• Қазақ
  •   
  • Qazaq
  •   
  • قازاق
  •   
    Home » جاڭالىقتار » قر ءبىلىم جانە عىلىم ءمينيسترى : الىپپە قايتارىلادى

    قر ءبىلىم جانە عىلىم ءمينيسترى : الىپپە قايتارىلادى

    اقتوبە وبلىسىنا ىسساپارمەن كەلگەن ۇكىمەتتىڭ جۇمىس توبى تۇرعىندارمەن كەزدەستى. كەزدەسۋ بارىسىندا كۇلاش ءشامشيدينوۆا «الىپپە ورنىنا قايتىپ كەلەدى» دەپ جينالعانداردى قۋانتتى. 

    قر ءبىلىم جانە عىلىم ءمينيسترى اۋىسقان سايىن ەلىمىزدە ءبىلىم باعدارلاماسىنىڭ دا اۋىساتىنى ۇيرەنشىكتى جاعدايعا اينالدى. دەگەنمەن، بۇل كۇنى كەشەگى «الىپپەنى» اڭسايتىندار كوپ. اقتوبەلىكتەردى وڭىرگە جۇمىس ساپارىمەن كەلگەن جاڭا قر ءبىلىم جانە عىلىم ءمينيسترى كۇلاش ءشامشيدينوۆا قۋانتتى. الىپپە قايتا ورالادى.

    «الىپپەگە بايلانىستى ايتايىن، بيىلعى وقۋ جىلىندا الىپپەنى قايتارىپ ۇلگەرمەيمىز. ال، كەلەسى وقۋ جىلىندا الىپپە ورنىنا قايتىپ كەلەدى. بالالارعا ءبىلىمدى وزدەرى ىزدەۋگە ۇيرەتۋىمىز قاجەت»، – دەدى كۇلاش ءشامشيدينوۆا.

    ەلدە بالاعا ءبىلىم بەرەتىن پەداگوگتاردى قايتا دايارلاۋ قولعا الىندى. 144 مىڭنان كوپ مۇعالىم كۋرستاردان وتەدى. مەكتەپ پسيحولوگتارى، سىنىپ جەتەكشىلەرى دە قايتا دايارلانادى.

    «جالپى مەكتەپتەگى ءبىلىمنىڭ ساپاسى مۇعالىمنىڭ ساپاسىنا بايلانىستى. الداعى ءۇش جىلدا جاڭارتىلعان ءبىلىم باعدارلامالارىنا ساي جاڭا مەتوديكالىق، تەحنولوگيالىق ادىستەمەلەرگە ۇيرەتۋ ءۇشىن 144 مىڭنان ارتىق مۇعالىم قايتا دايىنداۋ كۋرستارىنان وتەدى. 82 مىڭ مەكتەپ پسيحولوگى مەن سىنىپ جەتەكشىلەرى دە كۋرستاردان وتەدى. 15 مىڭنان ارتىق كوللەدج قىزمەتكەرلەرى مەن پەداگوگيكالىق ۋنيۆەرسيتەتتەردە جۇمىس ىستەيتىن پەداگوگتار ورتا ءبىلىمنىڭ جاڭارۋىنا بايلانىستى قايتا وقىتىلادى. كوپ ەلدى تولعاندىرىپ، قايتا-قايتا ايتىلىپ جۇرگەن ماسەلە – جوعارعى سىنىپتاردا حيميا، فيزيكا، بيولوگيا، ينفورماتيكا پاندەرىن اعىلشىن تىلىندە بەرۋ. مەكتەپتە ساباق بەرەتىن كادر، مەكتەپ دايىن بولعان كەزدە وزدەرىڭىزبەن كەلىسە وتىرىپ، كەزەڭ-كەزەڭىمەن كوشەتىن بولامىز»، – دەدى مينيستر.

    كۇلاش ءشامشيدينوۆا ەلدە مەكتەپتەر سالۋ تۋرالى سۇرانىستار جەر-جەردەن كوپ تۇسەتىنىن دە اتاپ ءوتتى. 2019-2021 جىلدار ارالىعىندا قازاقستاندا 190 مەكتەپ سالىنادى. ولار اپاتتىق جاعدايداعى ءۇش اۋسىمداعى ءبىلىم مەكەمەلەرىنىڭ ورنىن اۋىستىرادى.

    «تاۋەلسىزدىك جىلدارى قازاقستاندا 1 672 مەكتەپ سالىنعان. اپاتتىق عيماراتتا ورنالاسقان، ءۇش اۋىسىمدا جاسايتىن، وقۋشىلاردىڭ ورىنى جەتپەيتىن مەكتەپتەردىڭ پروبلەماسىن شەشەتىن بولادى. تەك اقتوبە وبلىسى بويىنشا الداعى ءۇش جىلدا 9 مەكتەپ سالىنادى. ءبىز جالپى مەكتەپ مۇعالىمدەرىن قولداۋىمىز قاجەت. بالالارىمىزعا پاتريوتتىق تاربيە بەرۋ ءۇشىن قازاقستان تاريحى، قازاق ءتىلى، گەوگرافيا پاندەرىنىڭ مازمۇندارى ءوز ەلىمىزدىڭ مەنتاليتەتىنە ساي جۇرگىزىلەدى. مەكتەپتە ءبىلىم بەرۋگە ەر ازاماتتارتى شاقىرۋ كەرەك. سەبەبى، بالاباقشا مەن مەكتەپتە ايەلدەردىڭ تاربيەسىن العان بالالار قىز سەكىلدى بولىپ بارادى»، – دەدى قر ءبىلىم جانە عىلىم ءمينيسترى كۇلاش ءشامشيدينوۆا.

    BAQ.KZ

    پىكىر جازۋ

    پوچتا جاريالانبايدى. تاڭداۋلى ءورىستى تولتىرىڭىز *

    *

    x

    Check Also

    ءىىم توقاەۆتان “سىيلىققا ات مىنگەن” پوليتسيا باسشىسىن جۇمىستان بوساتۋدى سۇرادى

    قازاقستان ىشكى ىستەر ءمينيسترى ەرلان تۇرعامباەۆ پرەزيدەنت قاسىم-جومارت توقاەۆتان اتىراۋ وبلىسى پوليتسيا دەپارتامەنتى باسشىسى ايان ...