• Қазақ
  •   
  • Qazaq
  •   
  • قازاق
  •   
    Home » Жаңалықтар » Ең арзан әуе компаниясы. Fly Arystan қызметін бастады

    Ең арзан әуе компаниясы. Fly Arystan қызметін бастады

    Отандық лоукостер – Fly Arystan әуе компаниясының алғашқы жолаушылары елордаға Роза Бағланова атындағы Airbus A320 ұшағымен ұшып келді.  Еліміздегі алғашқы лоукостер – Fly Arystan бюджеттік әуе компаниясы Алматыдан Нұр-Сұлтан қаласына алғашқы рейсін орындады, деп хабарлайды Sputnik Қазақстан тілшісі.

    Первый самолет лоукостера Fly Arystan прилетел в Нур-Султан

    Қазақстанның тұңғыш президенті – Елбасы Нұрсұлтан Назарбаевтың тапсырмасымен құрылған Fly Arystan бюджеттік әуе компаниясы бүгін алғашқы рейсін орындады. Алматыдан ұшып шыққан ұшақ елордаға сағат он бір жарым шамасында қонды.

    Айтпақшы, отандық лоукостердің алғашқы жолаушылары елордаға Роза Бағланова атындағы Airbus A320 ұшағымен ұшып келді.

    “Назарбаевтың тапсырмасы орындалды”

    Алғашқы ұшақты қарсы алуға “Самұрық Қазына” ұлттық әл-ауқат қоры” АҚ басқарма төрағасы Ахметжан Есімов, индустрия және инфрақұрылымдық даму министрі Роман Скляр, “Эйр Астана” компаниясы тобының президенті Питер Фостер келді.

    Первый самолет лоукостера Fly Arystan прилетел в Нур-Султан
    “Самұрық Қазына” ұлттық әл-ауқат қоры” АҚ басқарма төрағасы Ахметжан Есімов, индустрия және инфрақұрылымдық даму министрі Роман Скляр және “Эйр Астана” компаниясы тобының президенті Питер Фостер.

    Алғашқы болып сөз алған Ахметжан Есімов алдымен жиналған қонақтарды бүгінгі 1 мамыр мерекесімен құттықтады.

    “Осыдан тура жарты жыл бұрын Елбасымыз Нұрсұлтан Назарбаев халыққа тиімді, арзан әуе компаниясын ашу туралы тапсырма берген еді. Сол тапсырма бүгін орындалып отыр. Үлкен жүйелі жұмыс атқарылды. Бірінші ұшақ Алматыдан елордамызға қонды. Бүгінгі күннен бастап енді Қазақстанның басқа да қалаларына бағыттар ашылады. Бүгін біз үшін айтулы күн десек те болады”, – деді Есімов.

    Индустрия және инфрақұрылымдық даму министрі Роман Скляр Қазақстанда жыл сайын әуе жолаушыларының саны артып келе жатқанын тілге тиек етті. Мәселен, былтыр шамамен 8 миллион жолаушы тасымалданған, бұл 2017 жылдың көрсеткішінен 6 процентке артық.

    Первый самолет лоукостера Fly Arystan прилетел в Нур-Султан
    “Бүгінде халықаралық практикадан көріп отырғанымыздай, әуе жолаушылары үшін шығыны аз лоукостерлер белсенді дамып келеді. Олар қарқыны жағынан классикалық әуе компанияларын басып озуда”, – деді Скляр.

    Министр бұл процестен Қазақстан да шет қалмауы керектігін атап өтті.

    Билеті арзан әуе компаниясының жоспары қандай

    “Эйр Астана” компаниясы тобының президенті Питер Фостер журналистерге қазақстандық лоукостердің жоспары туралы айтып берді.

    “Қазір бұл ұшақ Таразға, Қарағанды, Оралға ұшады. Осы айда Павлодар мен Шымкентке рейстер ашылады”, – деді ол.
    Оның айтуынша, алдағы уақытта халықаралық рейстер ашу жоспарланып отыр.

    Председатель правления АО Фонд национального благосостояния Самрук-Казына Ахметжан Есимов, президент авиакомпании Air Astana Питер Фостер и министр индустрии и инфраструктурного развития Роман Скляр
    © SPUTNIK / АБЗАЛ КАЛИЕВ.
    “Самұрық Қазына” ұлттық әл-ауқат қоры” АҚ басқарма төрағасы Ахметжан Есімов, индустрия және инфрақұрылымдық даму министрі Роман Скляр және “Эйр Астана” компаниясы тобының президенті Питер Фостер

    “Осы жылдың қазанында үшінші және төртінші ұшақтарды алғаннан кейін халықаралық бағыттарды ашу жоспарда бар. Әзірге Орта Азия, Кавказ және Ресейге ұшуды көздеп отырмыз”, – деді Фостер.

    Бұған қоса, келесі жылы жазғы маусымда еліміздің курортты аймақтарына да ұшақпен жетуіңіз мүмкін.

    “2020 жылға жоспарлап отырмыз. Ыстықкөл мен Алакөл бағыттарын қарастырып жатырмыз. Бірақ нақты датасын айта алмаймын”, – деді ол.

    Ұшақтағы тамақтың бағасы

    Руслан Тагаев Fly Arystan-ның алғашқы жолаушыларының бірі. Алматыдан ұшып келген фотограф отандық лоукостердің қызметіне дән риза.

    “Бизнес класс жоқ, бәрі бір жерде отырады. Тар емес, орындықтары да ыңғайлы, жайлы”, – дейді ол.

    Первый самолет лоукостера Fly Arystan прилетел в Нур-Султан

    Ол ұшақта тегін тамақ бермейтінін, бірақ өз ақшаңа сатып алуға болатынын айтты.

    “Мәселен, ірімшікпен жасалған сэндвич пен шай 1200 теңге, ал тауық етімен 1400 теңге тұрады. Ал шайдың өзі қателеспесем 300 теңге, сникерс те 300 теңге”, – деді жолаушы.

    Первый самолет лоукостера Fly Arystan прилетел в Нур-Султан

    Айтуынша, ұшақ борты жолаушыларға толы болған, арасында ата-әжелер де, балаларын ерткен ата-аналар да бар.

    Айтпақшы, ұшақтың дәретханасы да тегін екен.

    Fly Arystan – “Эйр Астана” әуе компаниясының бөлімшесі. Лоукостер билеттері 29 наурыздан бері сатылып жатыр. Бастапқыда Алматыдан Таразға және Оралға ұшатын рейстерге сатылса, кейін Нұр-Сұлтан, Қарағанды, Павлодар және Шымкент бағыттары қосылды.

    Қазақстанда биыл миллионға тарта жолаушы екі есе арзан бағамен ұша алады

    Fly Arystan әуе компаниясының маркетинг және сатылым жөніндегі директоры Жанар Жайлауованың айтуынша, қазір елу мыңға жуық жолаушы билет алған. Олардың 85 проценті – салмағы 5 келіден аспайтын қол жүгімен билет сатып алғандар.

    “Мәселен, Алматы мен Тараз арасында билет бағасы 4 мыңнан басталады. Ал Алматыдан Нұр-Сұлтанға 7 мың теңгеден, Оралға 12 мың теңгеден басталады”, – деді Жайлауова.

    Биыл, оның айтуынша, отандық лоукостер 700 мың адамды, келесі жылы 2,5 миллион, ал 2022 жылы 4 миллион жолаушыны тасымалдауды жоспарлап отыр.

    Fly Arystan ұшақтарының орташа жасы 6 жылды құрайды.

     

    Пікір жазу

    Почта жарияланбайды. Таңдаулы өрісті толтырыңыз *

    *

    x

    Check Also

    Тоқаев теледебатқа қатыса алмауы мүмкін

    Бүгін Орталық сайлау комиссиясы 29 мамырда «Хабар» арнасында алдағы 9 маусымда өтетін кезектен тыс президент ...