Албания билігі TikTok әлеуметтік желісін ел аумағында бұғаттайтын болды, деп хабарлайды "Адырна" ұлттық порталы Euronews-ке сілтеме жасап.
Бұл туралы Албания премьер-министрі Эди Рама мәлімдеді.
Саясаткер TikTok-ты балалар арасында зорлық-зомбылық пен қорлауға итермелейді деп айыптады.
Әлеуметтік желіні бұғаттауға қараша айының ортасында орын алған оқиға себеп болған. Албанияда 14 жастағы жасөспірімді құрдасы өлтірген. Болжам бойынша, бұл қайғылы оқиға TikTok-та басталған жанжалдан туындаған.
Ата-аналар мен мұғалімдермен кездесу барысында премьер-министр Эди Рама TikTok-қа қолжетімділік "толығымен және барлығына жабылады. Албания Республикасында TikTok болмайды" деп мәлімдеді.
Әлеуметтік желіні келесі жылы бұғаттау жоспарланып отыр. Бірақ нақты күні әлі белгісіз.
Ақпарат көздерінің мәліметінше, албандық ата-аналар балалардың мектепке пышақ және басқа да заттар алып келуі туралы жиі хабарланатын оқиғаларға алаңдаушылық білдіруде. Олардың пікірінше, мұндай мінез-құлыққа TikTok-тағы контент себеп болуда.
Айта кетейік, TikTok әлеуметтік желісіне Үндістан мен Гонконгта толықтай тыйым салынған.
其他材料
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз