Кезектен тыс президент сайлауында дауыс берген Нұрсұлтан Назарбаев журналистердің сұрағына жауап беру барысында Кәсім Мәсімов туралы пікірін айтты, деп хабарлайды “Адырна” ұлттық порталы.
Экс-президент тергеу мен сот нәтижесін күтіп отырғанын айтты.
"Мені де қатты қызықтырады, мен де сот пен тергеудің аяқталғанын күтіп отырмын және мұның артында кім тұрғанын білгім келеді. Мәсімов ұзақ жылдар бойы менімен бірге жұмыс істеді, бірақ қайдан білесің, Иса да жанындағы Иуданың сатқын екенін білмеген. Біз Құдай емеспіз ғой, сондықтан соттың аяқталуын күтеміз", - деді ол.
