Шымкентте үйлену тойына қонақтар Калашников автоматын әкелген. Ұйымдасқан қылмысқа қарсы күрес басқармасының қызметкерлері тойда екі автомат қаруын тәркіледі. Бұл туралы Қазақстан Республикасы ІІМ-гі жариялады, деп хабарлайды “Адырна” ұлттық порталы.
Жедел қызметкерлер үйлену тойлардың бірінде қалыңдықты шығарып салу рәсімінен кейінгі отшашу кезінде атыс қаруы қолданылатыны туралы ақпарат алды.
Aқпарат расталды. Сағат 00:00-де үйлердің бірінің жанында ауаға оқ ату кезінде полицейлер қаланың 2 тұрғынын автомат қаруымен ұстады. Олардан нөмірлері жойылған АКСУ-47 жауынгерлік автоматы және АК-74 автоматы тәркіленді. Оқиға болған жерді тексеру барысында криминалистер жиырмаға жуық атылған оқ гильзасын тапты.
Қаруды заңсыз сақтағаны үшін соталды тергеу басталды. Тиіс сараптамалар тағайындалды, қажет тергеу әрекеттері жүргізіліп жатыр.
https://youtu.be/pgv-i-5VD_g
