Түркия президенті Режеп Тайип Ердоғанның 8 шілде күні Анкарада өткен саммитке қатысушыларға сыйға тартқан тартулары қауіпсіздік талаптары мен сыйлық құнына қойылатын шектеулерге байланысты сұрақтар туғызды, деп хабарлайды «Адырна» тілшісі.
Еуроодақ басшыларына арнайы нақышталған жауынгерлік тапаншалар, оқ-дәрілер және қаруды тазалауға арналған жиынтық табысталған.
Politico басылымының жазуынша, Анкарадағы саммиттен кейін Ердоған Еуропалық комиссия төрағасы Урсула фон дер Ляйен мен Еуропалық кеңес төрағасы Антониу Коштаға осындай естелік сыйлықтар берген.
Антониу Коштаға арналған қаруды оның қауіпсіздік қызметі тексеру үшін алып кеткен.
«Оны Бельгияға жеткізу үшін жергілікті рәсімдерге сәйкес әрекет етеміз. Кейін қару Еуропалық кеңестің Бас хатшылығы белгілеген қауіпсіздік талаптарына сай сақталады», – деді ЕО өкілдері.
Қызметінен кетіп жатқан Ұлыбритания премьер-министрі Кир Стармер мен Нидерланд премьер-министрі Джеттен де сыйға алған тапаншаларды әзірге Түркияда қалдырып, оларды қолданыстан шығару рәсімінен кейін ғана өз елдеріне алып кететіндерін мәлімдеген.
Шенеуніктердің бірінің айтуынша, бұл тапаншалардың құны сыйлықтарға қойылатын қатаң шектеулерден асып кетуі мүмкін. Сондықтан олардың жеке пайдалануға берілмеуі ықтимал.
