Алматыда өткен рухани шарада жылдың үздік баспасы атанған «Атамұра» баспасы қазақ өнерінің көрнекті өкілі, Қазақстанның еңбек сіңірген қайраткері Бекжан Тұрыстың 60 жылдық мерейтойына арнап ерекше сый жасады, деп хабарлайды "Адырна" ұлттық порталы.
Мерейтой иесіне арналған «Өмір естелігімен қымбат» атты жаңа кітап баспадан жарық көріп, оны корпорация президенті Рақымғали Абрарұлы актерге салтанатты түрде табыстады. Бұл туынды Бекжан Тұрыстың өмірі мен шығармашылық жолына арналған.
Іс-шараға мәдениет пен әдебиет саласының танымал тұлғалары, әріптестері мен достары қатысты.
Сондай-ақ, мерейтой иесіне ат мінгізіліп, шапан жабылды.
