مۇحتار قۇل-مۇحاممەد: ەلباسىنىڭ باستاماسىمەن قۇرىلعان وداقتىڭ پروبلەماسى ازايماي تۇر

2564

بۇگىن سەناتتىڭ جالپى وتىرىسىندا دەپۋتات مۇحتار قۇل-مۇحاممەد ەۋرازيالىق وداقتىڭ پروبلەماسى ازايماي جاتقانىن ايتتى، دەپ حابارلايدى «ادىرنا» ۇلتتىق پورتالى baq.kz-كە سىلتەپ.

بۇل ءبىزدىڭ ەلباسىنىڭ باستاماسىمەن قۇرىلعان وتە قاجەت ەكونوميكالىق، تاۋارلاردى سىرتقا شىعارۋعا مۇمكىندىك بەرەتىن، ينتەگراتسيانى كۇشەيتەتىن وداق. سويتە تۇرا بۇل وداقتىڭ پروبلەماسى ازايماي وتىر. ءدال وسى زالدا سەنات توراعاسى بولىپ وتىرعان كەزدە قاسىم-جومارت كەمەلۇلى سىرتقى ىستەر مينيسترلىگىنە بىرنەشە ەسكەرتۋ جاساعان ەدى.

ونىڭ ايتۋىنشا، توقاەۆ سەنات توراعاسى بولعاندا وداقتاعى ءتۇرلى حاتتامالارعا ءجيى-ءجيى وزگەرىستەر ەنگىزىلە بەرگەن ەكەن.

قاجەتتى بولسا دا، بولماسا دا وزگەرىستەر جاسالا بەردى. تۇسىرىلگەن وزگەرىستەر ەكى ەلدىڭ پارلامەنتىنىڭ قوس پالاتاسى قاراپ، ولارعا ءبىز ۇنەمى تولىقتىرۋلار ەنگىزىپ وتىرامىز. سويتە تۇرا قازاقستاننىڭ كورشى ەلدەرگە شىعارىلاتىن تاۋارلارىن سول ەلدەگى فەدەرالدىق شەنەۋنىك دارەجەسىندەگى ادام توقتاتىپ تاستايدى. ەكى مەملەكەتتىڭ باسشىسى قول قوياتىن بولسا، ەكى ەلدىڭ پارلامەنتى قارايتىن بولسا، ونى ءبىر فەدەرالدىق شەنەۋنىك توقتاتىپ تاستاسا، «مۇنىڭ قانداي زاڭ بولعانى،-دەدى دەپۋتات.

 

پىكىرلەر
رەداكتسيا تاڭداۋى