ماسكەۋدە قىرعىزستاننىڭ رەسەيدىڭ قۇرامىنا كىرۋىنە قاتىستى تۇسىنىكتەمە بەرىلدى

2101

   قىرعىزستاننىڭ ماسكەۋدەگى ەلشىلىگىنىڭ ءباسپاسوز قىزمەتى بۇرىنعى ەلشى رايىمقۇل اتتوكۋروۆتىڭ قىرعىزستاندا رەسەي قۇرامىنا كىرۋ ماسەلەسى تالقىلانىپ جاتقاندىعى تۋرالى مالىمدەمەسىنە تۇسىنىكتەمە بەردى، دەپ حابارلايدى «ادىرنا» ۇلتتىق پورتالى.

ەلشىلىكتىڭ حابارلاۋىنشا، مۇنداي مالىمدەمەلەرگە ەشقانداي سەبەپ جوق. ءوز كەزەگىندە، اتتوكۋروۆ رەسەي ازاماتى بولعاندىقتان، جەكە تۇلعا رەتىندە ءوزىنىڭ پىكىرىن ءبىلدىردى دەپ ەسەپتەيدى.

  • "قىرعىزستان باسشىلىعى مەملەكەتىمىزدىڭ ەگەمەندىگىن، اۋماقتىق تۇتاستىعىن  جانە ۇلتتىق مۇددەلەردى قورعاۋ جونىندە نىق باعىت ۇستانىپ وتىرعانىن ەرەكشە اتاپ وتكەن ءجون. بۇل رەتتە قىرعىز-رەسەي مەملەكەتارالىق قاتىناستارى ءوزارا قۇرمەت،  تۇسىنىستىك جانە قولداۋ رۋحىندا قارقىندى دامۋدا. ءبىزدىڭ حالىقتارىمىزدى ورتاق تاريح پەن ەۋرازيالىق رۋحاني قۇندىلىقتار بىرىكتىرەدى. قىرعىزستان مەن رەسەي سەنىمدى وداقتاستار مەن ستراتەگيالىق ارىپتەستەر بولىپ تابىلادى", - دەلىنگەن قىرعىزستان ەلشىلىگىنىڭ مالىمدەمەسىندە.

سونداي-اق ەلشىلىك ديپلوماتتاردى كوپشىلىك الدىندا ارانداتۋشىلىق سيپاتتاعى مالىمدەمەلەر جاساۋدان اۋلاق بولۋعا شاقىردى.

«ادىرنا» ۇلتتىق پورتالى

 

پىكىرلەر
رەداكتسيا تاڭداۋى