كەلىسىلگەن ميتينگ: قاتىسۋشىلاردىڭ تالاپتارى قانداي؟

2311

بۇگىن 13 قىركۇيەكتە الماتى قالاسى، عىلىم ورداسىنىڭ ماڭىندا ميتينگ باستالدى. وقيعا ورتاسىندا جۇرگەن "ادىرنا" ءتىلشىسى جاسۇلان ءناۋرىزالىنىڭ ايتۋىنشا، ميتينگكە قاتىسۋشىلار بىرنەشە تالاپ قويۋدا.

"1. بۇكىل حالىققا ءبىر رەتتىك نەسيەلىك امنيستيا جاريالاۋ! بانكتەرگە ەمەس، ميلليونداعان حالىققا قولداۋ كورسەتىلسىن!

2.قىتايدىڭ قازاقستانداعى ەلشىسىنىڭ "قارۋلى كۇشتەردى ءتۇرلى ءتۇستى توڭكەرىستەرگە قارسى قولدانامىز" دەگەن مالىمدەمەسىنە قاتىستى بيلىك رەسمي پوزيتسياسىن ءبىلدىرسىن!

3."جەر شەتەلدىكتەرگە جالعا بەرىلمەۋى ءتيىس!" دەگەن نورما جەر كودەكسىنە ەنگىزىلسىن!

"حالىق مۇددەسىن قورعايتىن وسى تالاپتاردى قولداساڭىز، الاڭعا كەلىڭىز، ميتينگىگە قاتىسىڭىز!

كوپ بولساق، كۇشپىز! كۇش بولساق، بۇل تالاپتاردى ءسوزسىز ورىنداتامىز!

قولداڭىز، اعايىن!  تولىق اقپارات: Youtube - دەموكراتيالى قازاقستان ارناسىندا (جانبولات ماماي)" - دەلىنگەن ۇنپاراقتار تاراتىلۋدا.

ميتينگتە ارنايى كارانتين تالاپتارى دا ساقتالۋدا. ماسەلەن، الاڭعا كىرەر الدىندا ادامنىڭ دەنە قىزۋىن ولشەپ، ماسكا تاراتادى.

     

ايتا كەتەيىك، پرەزيدەنت قاسىم-جومارت توقاەۆ ەلدەگى ءسوز بوستاندىعىن نىعايتۋ تۋرالى ۋادە بەرگەن بولاتىن.

"ادىرنا" ۇلتتىق پورتالى

پىكىرلەر
رەداكتسيا تاڭداۋى