"كەڭ بولساڭ، كەم بولمايسىڭ..."

539

ەسىمدە، بالا كەزدەن ۇيدەن قوناق ۇزىلمەيتىن. اۋىلدا ەتەنە جاقىن تۇراتىن كورشىلەر ءبىر-بىرىمەن ۇيىندە جوق نارسەنى سۇراسىپ، تىعىز بايلانىستا بولاتىن. ۇيگە زات سۇراپ كەلەتىن بالالاردىڭ قولىن انام ەشقاشان بوس قايتارعان ەمەس. سۇراپ كەلگەنىنەن بولەك، قولدارىن كامپيتكە تولتىرىپ جىبەرەتىن. بالالىق بولار، كەيدە ىشتارلىقپەن ءتاتتى بەرىپ جاتقان كەزدە جاقتىرماي قاراپ تۇراتىنمىن. بويجەتە كەلە بۇل ءۇردىستى مەن دە ساناما ءسىڭىرىپ الدىم. بالا ۇيادا نە كورسە، ۇشقاندا سونى ىلەتىنى راس. ەس كىرگەندە انامنان سونشاما ۋىستاپ كامپيت بەرەردەي ولار نە ىستەدى دەپ سۇرايتىنمىن. سوندا انامنىڭ ايتاتىنى: "قىزىم، كەڭ بولساڭ، كەم بولمايسىڭ. قىرىقتىڭ ءبىرى – قىدىر. ۇيگە كەلگەن قوناقتى قۇر قول قايتارماۋ – سالتىمىزدا بار. قوناق رازى بولادى. بەرگەن دۇنيەڭدى الىپ كەتكەننەن كەدەيلەنىپ قالمايسىڭ، كەرىسىنشە، ۇيدەگى ىرىس، بەرەكە كوبەيە تۇسەدى. كەڭ بولساڭ، كەم بولمايسىڭ"...

راس... ءبىز ەجەلدەن كەڭدىكتى، قوناقجايلىقتى سۇيەر حالىق ەدىك قوي. بىزگە نە بولدى؟ "ۇلتتىڭ جامانى بولمايدى، ادامنىڭ جامانى بولادى" دەۋشى ەدى... وزگە ۇلتقا قۇشاق جايا "قورعان" بولعانىمىزبەن، ءوز جۇرتىمىزعا كەلگەندە نەگە قاتتىلىعىمىز ۇستاپ قالدى؟ وسىنداي قيىن-قىستاۋ كەزدە ارانىمىز اشىلىپ، ءبىر-ءبىرىمىزدى قاناۋدان توپ جارىپ جاتقانىمىز قاي ساسقانىمىز، باۋىرلار؟! بەتىن اۋلاق قىلسىن، اشتىق كەلدى مە؟! نەگە مۇنشا تەكسىزدىككە جول بەرىپ جاتىرمىز؟ ءولىم كەلسە دە، ارىن ساقتار باتىرلاردىڭ ۇرپاعى ەدىك قوي. وسىعان كۇيىنەم. دوعارايىقشى تويىمسىزدىقتى. تەكتىلىگىمىز ءۇشىن...

جانسايا سمان،

"ادىرنا" ۇلتىق پورتالى

پىكىرلەر
رەداكتسيا تاڭداۋى