28 سانىنىڭ قۇدىرەتى

1498

(ماقالا ادەماۋ تولىسباەۆاعا ارنالادى)

 

ادام بىتكەننىڭ وي-ساناسىندا سولەكەت، قارا سوزدەن بۇرىن سان كوش باستاپ تۇرادى. وعان پيفاگور زامانىندا جاسالعان تاعدىرناما كەستەسى، ماتەماتيكا عىلىمى، نۋمەرولوگيا سالاسى تىپتەن ساناپ تۇگەسە المايتىن ەسەپ-قيساپ،  تيىن-تەبەننەن تۇراتىن، كادۋىلگى ءومىرىمىز ايتپاساقتا دالەل.

اسىرەسە قازاق ۇلتتىق تانىمىندا، (قازاعىڭ نە) الەم تۇسىنىگىندە 1,2,3,5,7,12,13 سەكىلدى سانداردىڭ ورنى بولەك. ماسەلەنەكي، قازاق 7 سانىن قاسيەتكە تەلىسە، ورىس ۇلتى 13 سانىن ساتسىزدىككە بالاعان. قىتايلىقتار 4 سانىن ءبىر سۇمدىقتىڭ بەلگىسى دەپ ساناپ، اتىڭ ايتۋعا تىيىم سالعان. تىپتەن اسپان استى ەلىنىڭ ازاماتتارى 4 قاباتتىڭ ءوزىڭ 3 ا قاباتى دەيتىن كورىنەدى.

قىزىق، ءا؟! 28 دەگەندە – جالعىز-جارىم سۇيەنەتىنىمىز شەكسىزدىكتىڭ بەلگىسىنە اينالعان 8 سانى. ودان باسقا ءىلىپ الار نە ۇلتتىق رەڭ، نە عىلىمي تۇجىرىم جوق سەكىلدى كورىنەدى. الايدا 28 سانىندا ءسىز بەن ءبىز بىلە بەرمەيتىن كيەلى ءمان، جۇرت جاسىرعان قۇپيا جاتىر.

ماسەلەن، كيەلى 7 سانىنا دەيىنگى سانداردى ءبىر-بىرىنە قوسساق، 1+2+3+4+5+6+7=28 بولادى ەكەن. قاراپ تۇرساڭىز، ساۋساق بۋىندارىمىزدىڭ دا سانى 28. ياعني بۇل بۇرىنعى 1 ايدىڭ ۇزاقتىعىنا تەڭ. وسىلايشا قازاق عۇلامالارى 28 سانىن ەرەك سانعا بالاپ، جاراتىلىسقا ساي وتە ءدال، اسقان شەبەرلىكپەن كۇنتىزبە جاساعان. ول، ول ما؟ سانداردىڭ قادىر-قاسيەتىنىڭ قۇپيالارى جايلى قۇران كارىمدەگى دەرەكتە 28 سانىنىڭ ءمانى «شەكسىز»، «قايتۋ» دەپ بەرگەن.

ال اتا-بابامىز ساندىق جۇيەنى ءارىپ ارقىلى مەڭگەرگەن. ول قالاي دەسەڭىز، ءبىز قولدانىپ جۇرگەن دىبىستىق تاڭبالاردا، ادامنىڭ دۇنيەگە كەلۋدەگى رەتىن، ورنىن العاشقى ءارىپ ارقىلى كورسەتۋدى ۇسىنعان. ءاز بابالارىمىز ۇسىنعان 1-ا، 2-ءا، 3-ب، 4-گ، 5-ع، 6-د، 7-ە، 8-ج، 9-ز، 10-ي، 11-ي، 12-ك، 13-ق، 14-ل، 15-م، 16-ن، 17-ڭ، 18-و، 19-ءو، 20-پ، 21-ر، 22-س، 23-ت، 24-ءۇ، 25-ۋ، 26-ۇ، 27-ھ، 28-ش، 29-ى، 30-ءى  دىبىستىق تاڭبالارىندا ادامنىڭ تۋعان كۇنىنە قاتىستى عاجاپ سىر جاتىر. دەمەك 28-دە دۇنيەگە كەلگەندەردىڭ عۇمىرى «شىندىق»، «شاڭىراق»، «شەكسىزدىك»، «شەشىم» سەكىلدى ۇعىمداردان قۇرالادى.

تىپتەن ادام عۇمىرىنىڭ 3 كەزەڭىنىڭ العاشقىسى 28 جاسقا دەيىنگى عۇمىر. بۇل كەزدە ادامنىڭ بالالىق، بوزبالالىق شاعى ارتتا قالىپ، ساليقالى كەزەڭگە اياق باسادى.

ال قىتاي عالىمدارى نۋمەرولوگياداعى ءوز بولجامدارىن بىلاي دەيدى: 1 سانى – ار مەن ۇتىس، 2 – جەڭىلدىك، 3 – ءوسۋ، 4 – ءولىم، 5 – جوقتىق، 6 – بايلىق، 7 – بەلگىسىزدىك، 8 – وركەندەۋ، 9 – كوپ جاساۋ.

ياعني قىتايلىقتار 28 - نومەرلى ۇيگە اقشا جەڭىل جولمەن كەلەدى دەسە، 58 وركەندەۋدىڭ، العا جىلجۋدىڭ جوقتىعىن بىلدىرەدى دەيدى. ءتىپتى 2828 نومەرلى ءۇي توزىعى جەتىپ تۇرسا دا ونى ساتىپ الۋشىلاردىڭ سانىندا شەك بولمايدى ەكەن. سەبەبى 8 – قىتايشا “فا” – «بايلىق» (ساتتىلىك، گۇلدەنۋ) دەگەندى بىلدىرەدى. سوندىقتان وسى سانداردان تۇراتىن تەلەفون مەن ماشينا نومىرلەرى ساتتىلىك اكەلەدى دەپ سەنەدى. قىتايلىقتار جاقسىلىققا ىرىمداپ ەكى مەن سەگىزدىڭ قاتىسۋىنان تۇرعان 8.08.2008 كۇنى كەشكى ساعات 8-دە پەكيندە 28-شى جازعى وليمپيادا ويىندارىن باستاعان. ءيا، قالاي تارتساڭدا، 28-جاقسىلىقتىڭ بەلگىسى.

قازاق حالقى دا قىتايلىقتار سەكىلدى ماتەماتيكامەن تىعىز بايلانىستى سالا نۋمەرولوگياعا بەي-جاي قاراماعان. مىسالى ايدىڭ 28-دە تۋساڭىز: 2+8=10; 1+0=1.

1 سانى. ەگەردە ءسىزدىڭ عۇمىر جاسىڭىزدىڭ ءبىر كەزەڭى 1 سانىنا تۇسپا-تۇس كەلەتىن بولسا، بويىڭىزدا سەنىمدىلىك، باستان ءسوز اسىرمايتىن شامشىلدىق سەزىمى بار. 1 سانىنىڭ يەلەرى ۇنەمى ىزدەنىپ، تالپىنىپ، ءوسۋ، جەتىلۋ ۇستىندە ءومىر سۇرەدى. ايدىڭ ءبىرىنشى كۇنى مە، اپتانىڭ ءبىرىنشى كۇنى مە ماڭدايىنا 1 سانى جازىلعاندارعا جاقسىلىق سىيلايدى. وسى كۇندەرى ءبىر ىسكە كىرىسسەڭىز، ساپارعا شىقساڭىز، سونىڭ ءبارى ءساتتى اياقتالادى.

ال ەكىنشى گيپوتەزا تومەندەگىدەي وربىمەك. ماسەلەن، ءسىز 28.03.1975 جىلى دۇنيەگە كەلسەڭىز: 2+8+0+3+1+9+7+5=35 3+5=8

ياعني قازاق نۋمەرولوگتارىنىڭ بولجامى بويىنشا ««8» سانىنىڭ استىندا جارىق دۇنيەگە كەلسەڭىز، قولداۋشىڭىز مەركۋري پلانەتاسى. وسى جەبەۋشىلەرىڭىزدىڭ ارقاسىندا قالتاڭىز تولى اقشا، ومىردە جولىڭىز بولىپ، ۇلكەن تابىستارعا قول جەتكىزەسىز. باي بولا تۇرا دۇنيەقوڭىز، اقشانىڭ قۇلى بولمايسىز. ەگەر جاقىن ادامدارىڭىزدىڭ باسىنا كۇن تۋسا، الدىمەن قول سوزاتىن ءوزىڭىز...»-دەيدى.

تىپتەن ەڭ تانىمال تۇلعالاردىڭ تۋعان كۇنى دە 28 سانىمەن تۇسپا-تۇس كەلەدى.

28 قىركۇيەك – مۇحتار اۋەزوۆ، ورالحان بوكەي، 28 اقپان–جامبىل جاباەۆ، 28 جەلتوقسان–قاجىم جۇماليەۆ، 28 قاراشا –جۇمەكەن ناجىمەدەنوۆ، 28 قازان–روزا رىمباەۆا، 28 ناۋرىز–يان اموس كومەنسكي، ورىستىڭ اتاقتى جازۋشىسى ماكسيم گوركي جانە ابىرويى اسقاق حقتۋ ءنىڭ بىلىكتى مامانى، ابىرويلى ۇستاز ادەمى تولىسباەۆا، جاس اقىن باتىرحان سارسەنحان ەسىمدى ءتاڭىردىڭ تابارىگىنە يە بولعاندار دۇنيە ەسىگىن اشقان.

ال بۇگىن 28-ناۋرىز–الەمدىك تاريحشىلار كۇنى.

ياعني ءار ادامنىڭ قارىم-قابىلەتى، قاسيەت-دارىنى، تاعدىرى تۋعان كۇنىمەن تىكەلەي بايلانىستى. ەگەر ءسىز، 28-دە دۇنيەگە كەلگەندەردىڭ قاتارىنان بولساڭىز، ءومىرىم تەك باقىت پەن شاتتىقتان تۇرادى دەپ ويلاي بەرىڭىز.

سەبەبى 28 سانىندا ءسىز بىلمەيتىن سىر جاتىر...

 

اقگۇل ايداربەكوۆا،

"ادىرنا" ۇلتتىق پورتالى

پىكىرلەر
رەداكتسيا تاڭداۋى