الماتى كوشەلەرى دەزينفەكتسيالانۋدا

202

قر قارۋلى كۇشتەرى بيولوگيالىق قورعاۋ بولىمشەسىنىڭ جەكە قۇرامى قالالىق دەزينفەكتسيا قىزمەتىمەن بىرگە الماتى  قالاسىنداعى كوشەلەرگە ساقتاندىرۋ شارالارىن جۇرگىزىپ جاتىر. 24 ناۋرىز كۇنى باستالعان دەزينفەكتسيا جۇمىسى وسى ساعاتتاردا اياقتالدى.

دەزينفەكتسيالىق ەرىتىندىسى بار ارنايى قۇرالدارمەن جابدىقتالعان اسكەري قىزمەتشىلەر مەن اۆتوموبيلدەر لەگى قالانىڭ بىرنەشە ءىرى كوشەلەرىن، اۋرۋحانالارىن، بازارلارلارىن، ۆوكزالدار مەن مەكتەپتەردى، سونداي-اق،  بالاباقشالاردى دا دەزينفەكتسيالادى. نەگىزىنەن زالالسىزداندىرۋ جۇمىستارى كوبىنە ينفەكتسيانىڭ تارالۋ مۇمكىندىگى جوعارى جەرلەرگە جاسالۋدا.

ايتا كەتۋ كەرەك، دەزينفەكتسيالاۋ جونىندەگى ءىس-شارالار كوروناۆيرۋس ينفەكتسياسىنىڭ تارالۋىن بولدىرماۋ جونىندەگى جەدەل شتاب پەن قارۋلى كۇشتەردىڭ ءوزارا بىرلەسكەن ءىس-قيمىلى بويىنشا جۇزەگە اسىرىلادى. ارنايى وڭدەۋگە ارنالعان اۋماقتاردى جەرگىلىكتى اتقارۋشى ورگاندار انىقتايدى. جەكە قۇرام مەن اسكەري تەحنيكانى جۇمىس بارىسىندا اسكەري پوليتسيا وكىلدەرى الىپ جۇرەدى.

بۇگىنگى كۇنگە دەيىن نۇر-سۇلتان جانە الماتى قالالارىندا ىندەت جۇقتىرۋ قاۋپى بار 80-نەن استام نىسان دەزينفەكتسيالاندى.

سونىمەن قاتار، قازاقستان رەسپۋبليكاسى پرەزيدەنتىنىڭ 2020 جىلعى 23 ناۋرىزدا توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ وتىرىسىندا قازاقستان رەسپۋبليكاسى قارۋلى كۇشتەرىن كوشەلەردى دەزينفەكتسيالاۋعا تارتۋ جونىندەگى تاپسىرماسىنا سايكەس ءىرى ەلدى مەكەندەردە وسىنداي جۇمىستار ۇيىمداستىرىلعان. اتاپ ايتقاندا، اسكەري قىزمەتشىلەر ءتيىستى جەرگىلىكتى اتقارۋشى ورگانداردىڭ جوسپارلارى بويىنشا شىمكەنت، اقتاۋ، اقتوبە، اتىراۋ، قاراعاندى، قىزىلوردا، تاراز جانە باسقا قالالاردا دەزينفەكتسيالاۋ جۇمىستارى جۇرگىزىلۋدە. بۇل كۇندەرى قورعانىس مينيسترلىگى بيولوگيالىق قورعاۋ بولىمشەلەرىنىڭ سانىن ۇلعايتۋ جۇمىستارىن جاساپ جاتىر.

جازىپ العان  جاسۇلان ءناۋرىزالى،

«ادىرنا» ۇلتتىق پورتالى

 

پىكىرلەر