ۇيىڭدە بول!

220

ۇيىڭدە بول، قاراعىم ۇيىڭدە بول.
ەلدىك ورتاق نيەتتە، پەيىلدە بول.
جۇرەر جولىڭ اۋلاڭنان ءارى اسپاسىن
سالعىڭ كەلسە كەلەشەك كەيىنگە جول.

ۇيىڭدە بول، بوسقا ايىپ تاقپا جانىم.
جاقسىلىقتىڭ كۇت توسىپ حات حابارىن.
سەن ءوزىڭنىڭ ساقتاساڭ ءومىرىڭدى،
وزگەنىڭدە ءومىرىن ساقتاعانىڭ.

قۇلاققاعىس مەنىكى تانىس اقىل.
دۇعا تىلەپ ءتاڭىرىن تانىسا قۇل.
دارىگەرلەر ومىرمەن كۇرەسۋدە،
سەن وزىڭمەن ءوزىڭ بوپ الىسا تۇر.

ەلگە بولسا ماحاببات، سەزىم تۇنىق،
ەرلەر ورگە وزادى تەز ۇمتىلىپ
جۇرە بەرمەي كەڭ بايتاق جەرىڭدى ويلا،
جۇرگەندەر كوپ جەرىڭە كوزىن تىگىپ.

ۇيىڭدە بول، ۇيىڭدە بول قاراعىم.
قالاماساڭ قايعى بۇلت تورلاعانىن.
قورعاي الساڭ باسىڭدى سول بولادى،
ۇلان عايىر جەرىڭدى قورعاعانىڭ!

مارات احمەتوۆ

پىكىرلەر