ءبىرتانوۆ مىرزا، بارلىق اقپاراتتاردى اشىق جاريالاڭىز!

1738

بەلگىلى جۋرناليست ساۋلە ابىلداحانقىزى قازىرگى قالىپتاسقان جاعدايعا بايلانىستى پىكىرىن ءبىلدىردى، دەپ حابارلايدى "ادىرنا" ۇلتتىق پورتالى. بۇل تۋرالى ول فەيسبۋك جەلىسىندە جازدى. 

اجەم مارقۇم كەيدە بىرەۋلەرگە رەنجىگەندە "پەيىلىنە قارا كورىنگىر" دەپ كۇڭكىلدەيتىن...

كوپبالالى انالاردان، سابيلەردەن قىزعانعاندارىڭ پەيىلدەرىڭە كورىنىپ جاتىر...

سونى ءالى جەتە تۇسىنبەي وتىر بۇلار... تيىن ساناپ، "ميلليون بولدىك" دەپ...

مۇنداي ساتتە ءىرى سويلەپ، ءىرى ىستەر جاسايدى، بيلىك!
قايدا ارنايى وقشاۋلانعان اۋرۋحانا؟؟؟
قايدا قۇرال-جابدىقتار؟؟؟
قايدا تەگىن ماسكا؟؟؟

قايدا ۇلتتىق قور؟؟؟
قايدا حالىققا ناقتى كومەك؟؟؟
قايدا مۇقتاج وتباسىلارعا ازىق-تۇلىك؟؟؟

پەيىلدەرىنە قارا كورىنگەن ساۋداگەرلەر - ول اناۋ... بيلىك - ول مىناۋ...

ءبىرتانوۆ مىرزا، ىندەتكە قاتىستى بارلىق اقپاراتتاردى اشىق جاريالاۋىڭىزدى تالاپ ەتەمىز!!!

1. ناۋقاستار قاي اۋرۋحانالارعا جاتقىزىلدى؟

2. ولارعا قانداي ەم جاسالىپ جاتىر؟

3. ولار - نەگىزگى باستى وشاقتار. ولار كونتاكتىدە بولعان ادامدارعا، اسىرەسە تۋعان-تۋىس، ارىپتەس، دوس-جاراندارىنا، ۇشاقتا بىرگە ۇشىپ كەلگەن جولاۋشىلار مەن ەكيپاجعا كارانتين قالاي جاسالىپ جاتىر؟ سول ۇشاقتار قالاي دەزينفەكتسيالانىپ جاتىر؟

4. قانشا قاراجات قايدا جۇمسالدى؟ قانداي جابدىقتار الىندى؟ قانداي مودەل، قانداي باعامەن؟؟؟

5. شەتەلدەن توقتاماستان جولاۋشىلاردى قابىلداپ جاتىرسىزدار. تىم بولماسا، اۋەجايدا ماسكا ۇلەستىرىپ جاتىرسىزدار ما؟

6. ناۋقاستاردىڭ بۇگىنگى جاعدايى قالاي؟ وزگەرىس بار ما؟ قاي جاعىنا وزگەرىس بار؟

7. ولاردى ەمدەپ جاتقان دارىگەرلەر كىمدەر؟ ولاردىڭ قاۋىپسىزدىگى قالاي قورعالۋدا؟؟؟ ەڭبەكتەرى قالاي باعالانۋدا؟

8. ورتا ەسەپپەن، بۇگىنگى دەرەك بويىنشا 60 ناۋقاس تىركەلدى. دەمەك، كەمىندە وسى 60 ادام تۇرعان 60 ءۇي جەكە وقشاۋلانۋى ءتيىس ەمەس پە؟

ول 60 ادام، ءوز ۇيىندەگىلەردەن بولەك، كەمىندە، 2 اداممەن جاقىن كونتاكتىدە بولدى. (ۇشاقتا قاتار وتىردى، ستيۋاردەسسا قىزمەت كورسەتتى، كۇتىپ العان دوسىمەن، ارىپتەسىمەن امانداستى، سويلەستى...) دەمەك، كەمىندە 120 ادامنىڭ ءۇيى وقشاۋلانۋى ءتيىس ەمەس پە؟ وقشاۋلانعان ۇيلەردىڭ مەكەنجايلارى اشىق ايتىلۋى ءتيىس ەمەس پە؟

9. استانا مەن الماتىدان وزگە ايماقتارعا تاراپ جاتقانىن كورىپ وتىرىپ، نەگە بارلىق وبلىس، قالالارعا كارانتين جاريالانعان جوق؟؟؟ جالپى، توتەنشە جاعداي دەگەندى قالاي تۇسىنەسىزدەر؟؟؟

10. كارانتين مەرزىمىندە ءار ادام، كەمىندە، قانشا ماسكا قولدانۋى مۇمكىن؟ ءار ۇيدە بولۋعا ءتيىستى اپتەچكا قۇرامى قانداي؟ قانداي ءدارى-دارمەك، ۆيتاميندەر پروفيلاكتيكا ءۇشىن ءتيىمدى؟؟؟

11. حالىققا قاشان تەگىن ماسكا تاراتاسىزدار؟

اشىقتىق تالاپ ەتەمىز. اشىق ساۋالداردىڭ جاۋابى دا اشىق بولۋ كەرەك. ءسىز، ءبىرتانوۆ مىرزا، بىزگە قول جۋدى ۇيرەتكەنشە، وسى ساۋالدارعا جاۋاپ بەرىڭىز!
قول جۋدى، قۇدايعا شۇكىر، انامىز ۇيرەتكەن.
بىلمەيتىندەرگە - ءسىز ەمەس، مەد.سەسترالار ۇيرەتسە، جاراسادى.

ءوز مىندەتىڭىزدى دۇرىس اتقارىڭىز.
اقپاراتتى جاسىرىپ-جاپقان سايىن، حالىققا قاستاندىق جاسايتىنىڭىزدى بىلەتىن شىعارسىز؟؟؟

                                                                                                                                 ساۋلە ابىلداحانقىزى

پىكىرلەر
رەداكتسيا تاڭداۋى