قىتاي ەلشىسى چجان سياونىڭ ارەكەتتەرى زەردەلەنەدى - سىرتقى ىستەر مينيسترلىگى

5505

ەستەرىڭىزدە بولسا بۇعان دەيىن پورتالىمىزدا "دەموس" قوعامدىق بىرلەستىگىنىڭ توراعاسى تۇراربەك قۇسايىنوۆتىڭ (تومەندەگى سىلتەمەدە كورسەتىلگەن)

قىتاي ەلشىسى چجان سياو قازاق قوعامىن قاشانعى باسىنادى؟

"قىتاي ەلشىسى چجان سياو قازاق قوعامىن قاشانعى باسىنادى" اتتى ماقالاسى شىققان بولاتىن. ماقالادا قىتاي ەلشىسىنىڭ قر-نىڭ ىشكى ىستەرىنە ارالاسىپ وتىرعانى تۋرالى ايتىپ، قر پرەزيدەنتىنە، سىرتقى ىستەر مينيسترىنە جانە باس پروكۋروتۋراسىنا وسى ماسەلەگە نازار اۋدارۋىن، ەلشى چجان سياونىڭ ارەكەتىنە قۇقىقتىڭ جانە ساياسي باعا بەرۋدى سۇراپ، قحر-نا نارازىلىق نوتاسىن جولداپ، قىتايدىڭ قازاقستانداعى ەلشىسىن اۋىستىرۋدى تالاپ ەتۋدى وتىنگەن ەدى.

بۇگىن جوعارىدا اتالعان حاتقا قر سىرتقى ىستەر مينيسترلىگىنەن جاۋاپ كەلدى. تۇراربەك قۇسايىنوۆتىڭ كوتەرگەن ماسەلەلەرى نازارعا الىناتىنى تۋرالى جازىلعان حاتتا:

 "قحر ەلشىسى چجان سياونىڭ ارەكەتى تۋرالى حاتىڭىز نازارعا الىندى. قر سىرتقى ىستەر مينيسترلىگى شەتەلدىك ەلشىلەرمەن جۇمىستى جۇرگىزۋ بارىسىندا 1961 جىلعى ديپلوماتيالىق قاتىناستار تۋرالى ۆەنا كونۆەنتسياسىن باسشىلىققا الادى. قازىرگى تاڭدا قازاقستاننىڭ كوپۆەكتورلى سىرتقى ساياساتىن ىلگەرىلەتۋ ماقساتىندا بارلىق مەملەكەتتەرمەن تەڭ دارەجەدەگى ىنتىماقتاستىقتى دامىتۋدىڭ ماڭىزى زور. وسى ورايدا، ءسىزدىڭ اقپاراتىڭىز جان-جاقتى زەردەلەنەتىن بولادى. حالىقارالىق ديپلوماتيانى ىسكە اسىرۋ اياسىندا، قازاقستاننىڭ ۇلتتىق مۇددەلەرىنىڭ بارىنشا ساقتالاتىنىنا سەندىرەمىز. بەلسەندىلىك تانىتىپ، وزەكتى ماسەلەلەردى كوتەرىپ جۇرگەنىڭىزگە العىس بىلدىرەمىز"- دەلىنگەن

SIM17032020

سىرتقى ىستەر مينيسترلىگى ازاماتتارىمىزدىڭ شاعىم حاتتارىن اياقاستى ەتپەي، باقىلاۋدا ۇستاعانى قۋانتارلىق جاعداي. "ادىرنا" ۇلتتىق پورتالى جازىلعان جايدى ءارى قاراي دا نازارىنان تىس قالدىرمايدى.

"ادىرنا" ۇلتتىق پورتالى

 

 

پىكىرلەر