ءازىمباي عالي: سوعىس بولماسا بولدى

910

رەسەيدى اسكەري قىلمىسى ءۇشىن گااگادا حالىقارالىق سوت كۇتىپ تۇر. حالىقارالىق mh17 ۇشاعىن رەسەي اتقىشتارى اسپاندا ۇشىپ بارا جاتقان ازاماتتىق ۇشاقتى دونەتسك-لۋگانسك ولكەسىندە (ۋكراينا اسپانىندا) اتىپ تۇسىرگەن.

باتىس ەلدەرى گااگا قالاسىندا رەسەيدى سول حالىقارالىق قىلمىس ءۇشىن ايىپتاپ سوتتاماق. ايىپتاۋدىڭ نەگىزگى ساياسي سالماعى رەسەي پرەزيدەنتى پۋتينگە تۇسپەك. ولاي بولسا رەسەيدىڭ حالىقارالىق ابىرويى ودان ارى تومەندەيدى. رەسەيدىڭ ەكونوميكاسى سوڭعى التى جىلدا ستاگناتسياعا ءتۇسىپ، حالىق تۇرمىسى ناشارلاپ كەلەدى.

رەسەيگە شەت ەلدىك ينۆەستيتسيالار كەرەك، بىراق قىتايدان باسقا قارىز بەرەتىن مەملەكەت جوق دەسە بولادى. بۇنداي اۋىر جانە قولايسىز جاعدايدا رەسەي قىتايعا تاۋەلدى مەملەكەتكە اينالادى. قىتايدىڭ دا شەكەسى قىزىپ تۇرعان جوق. ەكونوميكالىق دامۋ قارقىنى تومەندەي كەلە كاروناۆيرۋسقا شالدىقتى. ەندى ولاردا دا رەسەيدەگىدەي ەكونوميكالىق ستاگناتسيا باستالماق. ال قازاقستاننىڭ جاعدايى دا ءماز ەمەس: ەكونوميكاسى اۋقىمدى كورشىلەرى – رەسەي، قىتاي جانە يران باتىس ەلدەرىنىڭ سانكتسيالارىنىڭ استىندا.

ءبىزدىڭ باس وداقتاسىمىز – رەسەي ەكى مەملەكەتتە جاريالانباعان بىراق كوپ شىعىندى قاجەت ەتەتىن سوعىس جۇرگىزىپ كەلەدى. ونىڭ ۇستىنە مۇناي باعاسى تىم تومەندەپ كەتتى – 25-30$. كوروناۆيرۋس الەمدىك ەكونوميكاعا قوسىمشا سوققى بولدى. وسىنداي كۇردەلى جانە مۇشكىل جاعدايدا رەسەي مەن قىتاي بىزگە شابۋىل جاساماس. ول دا بولسا كوڭىلدى كونشىتەدى. سوعىس بولماسا بولدى. ءوزىمىز امان بولساق بولدى.

"ادىرنا" ۇلتتىق پورتالى

پىكىرلەر