قوستاناي وڭىرىندە ابايعا ارنالعان ءىس-شارالار باستالدى

1072

وبلىس ورتالىعىنان شالعايدا جاتقان اۋليەكول اۋدانىندا ابايدىڭ تۋعانىنا 175 جىل تولۋىنا ارنالعان «قۇلاقتان كىرىپ بويدى الار، اسەم ءان مەن ءتاتتى كۇي» اتتى ءان فەستيۆالى ءوتتى.

ءىس-شارا «رۋحاني جاڭعىرۋ»  باعدارلاماسى  جانە  «دالا فولكلورى مەن مۋزىكاسىنا مىڭ جىل» ارنايى جوباسىنىڭ اياسىندا قولعا الىندى. وندا ابايدىڭ شىعارماشىلىعى مەن باعا جەتپەس مۇراسىن كەڭىنەن ناسيحاتتاۋ، ۇلى دالانىڭ داناگويى جانە ويشىلى، الەمدىك ماڭىزى بار تۇلعا  اباي تۋرالى دۇنيەتانىمدى،  پاتريوتيزم مەن ازاماتتىقتى تاربيەلەۋ، سونىمەن بىرگە رۋحاني-ادامگەرشىلىك قۇندىلىقتاردى، قازاقستاندىق بىرەگەيلىكتى قالىپتاستىرۋ ءىس-شارانىڭ  نەگىزگى  ماقساتى بولدى.

فەستيۆالدە اۋىلدىق جانە اۋداننىڭ  تالانتتى ونەرپازدارى  ابايدىڭ    شىعارمالارىن بىرنەشە اتالىم بويىنشا  ساحناعا شىعاردى.  ولار اباي اتامىزدىڭ قارا سوزدەرىن، اندەرىن، كۇيلەرىن، سونىمەن قاتار ولەڭدەرىن مانەرلەپ وقىپ كورەرمەندەر ىقىلاسىنا بولەندى. اسىرەسە، مەكتەپ وقۋشىسى ديناش شىڭعىسحان، كىتاپحاناشى دينارااميروۆا، تاعى باسقالاردىڭ ونەرى جۇرتشىلىقتى  ءتانتى ەتتى.

فەستيۆالدە اباي شىعارمالارىنان كىتاپ كورمەسى  ۇيىمداستىرىلدى.

 

"ەگەمەن قازاقستان" گازەتى

پىكىرلەر
رەداكتسيا تاڭداۋى