قازاق تەلەۆيزياسىنا 60 جىل تولدى

777

بيىل قازاق تەلەۆيزياسىنىڭ قۇرىلعانىنا 60 جىل تولىپ وتىر. وسى اتاۋلى كۇنگە وراي تەلەۆيزيا تاريحىنا قىسقاشا توقتالىپ، سىر شەرتەتىن فوتودەرەكتەردى دە ۇسىنىپ وتىرمىز.

1951 جىلى 22 ناۋرىز كۇنى كسرو مينيسترلەر كەڭەسىنىڭ قاۋلىسىمەن كسرو-نىڭ ورتالىق تەلەۆيزيا ستۋدياسى قۇرىلدى. 1957 جىلى ۇكىمەت راديو جانە تەلەديداردى مادەنيەت مينيسترلىگى قۇرامىنان بولەك شىعارۋ تۋرالى شەشىم شىعارىپ، كسرو مينيسترلەر كەڭەسىنىڭ جانىنان راديو جانە تەلەحابارلار تاراتۋ جونىندەگى كوميتەت قۇرىلدى.

وسى جىلى 29 ماۋسىمدا قازاق كسر مينيسترلەر كەڭەسى تەلەۆيزيا جانە راديوحابارلارى جونىندەگى كوميتەت قۇرۋ تۋرالى قاۋلى قابىلدادى.

وسىلايشا، 8 ناۋرىزدا قازاق تەلەۆيزياسى دۇنيەگە كەلدى. 1958 جىلى قاراعاندى مەن وسكەمەندە، 1959 جىلى جەزقازعاندا، 1960 جىلى پەتروپاۆلدا وبلىستىق ستۋديالار اشىلدى.

بۇلاردىڭ ءىزىن الا تسەلينوگراد، ورال، بالقاش، سەمەي قالاسىندا دا ستۋديالار اشىلدى.

قازاق تەلەۆيزياسى قۇرىلعان كەزدەن باستاپ تاۋەلسىزدىككە دەيىن  قاناپيا مۇستافين، قۇرمانبەك ساعىندىقوۆ، كەنجەبولات شالاباەۆ، كەڭەسباي ۇسەباەۆ، حاميت حاسەنوۆ، كامال سمايىلوۆ، عادىلبەك شالاحمەتوۆ، ساعات اشىمباەۆ سىندى باسشىلار باسقاردى. تاۋەلسىزدىكتەن كەيىن عادىلبەك شالاحمەتوۆ، شەرحان مۇرتازا، اشىربەك كوپىشەۆ، ەرلان ساتىبالديەۆ، ەسەتجان قوسۋباەۆ، عالىم دوسكەن، نۇرتىلەۋ يمانعاليەۆ، داۋرەن ءابدىحاميتوۆ، جاناي وماروۆ، نۇرجان مۇحامەدجانوۆا سىندى باسشىلار جەتەكشىلىك ەتتى. قازىرگى كەزدە تەلەراديو كورپوراتسياسىن ەرلان قاريننىڭ باسقارادى.

"قازاقستان" ۇلتتىق ارناسى 2011 جىلدىڭ 1 قىركۇيەگىنەن باستاپ 100 پايىز قازاق تىلىندە حابار تاراتۋعا كوشتى.

"ادىرنا" ۇلتتىق پورتالى

پىكىرلەر
رەداكتسيا تاڭداۋى