گاز ورناتۋعا-پايىزسىز نەسيە

168

الماتى قالاسىنىڭ تۇرعىندارىنا تاعى ءبىر جاقسى مۇمكىندىك تۋىپ تۇر. الماتى قالاسىنىڭ اكىمى باقىتجان ساعىنتاەۆ قالا تۇرعىندارىنا ەسەپ بەرۋ جيىنىندا الماتىنى دامىتۋ جانە الەۋمەتتىك احۋالى تومەن وتباسىلاردى قولداۋعا ءۇش ماسەلەگە باسا نازار اۋداردى.

مىسالى، زاماناۋي قۇرىلعىلاردى ساتىپ الۋ جانە ورناتۋ ەسەبىنەن زياندى گازداردى انىقتاۋ جانە الماتى قالاسى اۋە باسسەينىنىڭ جاي-كۇيىن باقىلاۋ ساپاسىن جاقسارتۋ، سونداي-اق قايىرىمدىلىق باعىتتا ءۇي شارۋاشىلىعىن قولداۋ ءۇشىن الەۋمەتتىك جاعدايى تومەن جانە گاز ورناتۋعا مۇمكىندىگى جوق، ءماجبۇرلى تۇردە زياندى زاتتاردى شىعارۋ كوزى بولىپ تابىلاتىن پەشتى قولدانىپ وتىرعان حالىققا قولداۋ كورسەتۋ.
– تۇرعىندار ۇيىنە گاز ورناتۋ ءۇشىن ازاماتتارعا پايىزسىز نەسيە بەرۋ ماسەلەسىن پىسىقتاۋعا بولادى دەپ ويلايمىن جانە بۇل تاقىرىپتى ەگجەي-تەگجەيلى Halyk Bank-پەن تالقىلاپ، بىرگە جۇمىس ىستەيمىز، – دەدى باقىتجان ساعىنتاەۆ.
بۇل ۇسىنىستى بانك وكىلى دە قولدادى. “Halyk Bank باس كەڭسەسى الماتى قالاسىندا ورنالاسقان ۇيىم رەتىندە، ءبىزدىڭ تۋعان قالامىزدا قالىپتاسقان ەكولوگيالىق جاعدايعا قاتتى الاڭدايمىز”، – دەپ مالىمدەگەن Halyk Bank باسقارما توراعاسىنىڭ ورىنباسارى داۋرەن سارتاەۆ اكىمنىڭ ۇسىنىسىن قولدايتىنىن جەتكىزدى: “سوندىقتان، ءبىز ءوز تاراپىمىزدان ەكولوگيانى جاقسارتۋ جونىندەگى باعدارلاماعا قاتىسۋعا جانە الماتى قالاسى اكىمدىگىنىڭ ەكولوگيالىق باعدارلامالارىن قولداۋعا، دەمەۋشىلىك ۇلەس قوسۋعا دايىن ەكەنىمىزدى مالىمدەيمىز. ءبىز ءۇشىن اۋا تازالىعىن باقىلاۋ مونيتورينگى جۇيەسىن قۇرۋ، سونداي-اق حالىقتىڭ الەۋمەتتىك جاعدايى تومەن وتباسىلاردىڭ ۇيىنە گاز ورناتۋ باستاماسى ماڭىزدى. رەسپۋبليكاداعى جانە قالانىڭ ءىرى قارجى ۇيىمى رەتىندە ءبىز الماتىنىڭ بيزنەس قاۋىمداستىعىن اتاۋلى باستاماعا قوسىلۋعا شاقىرامىز.
قازىرگى ۋاقىتتا ۇسىنعان باستامانى ىسكە اسىرۋ ءۇشىن قالا اكىمدىگىمەن بىرلەسىپ پىسىقتالۋدا. ناتيجەسى قوسىمشا جاريالانادى”.
***
«قازاقستان حالىق بانكى» اق قازاقستان رەسپۋبليكاسىنداعى ەڭ ءىرى كوممەرتسيالىق بانك، نارىقتا 95 جىلدان اسا تابىستى جۇمىس ىستەپ كەلەدى جانە نەگىزگى كورسەتكىشتەر بويىنشا ەلدە كوشباسشى ورىندا تۇر. بانك ءوز كليەنتتەرىنە قىزمەتتەردىڭ كەڭ سالاسىن (بانكتىك قىزمەتتەر، ساقتاندىرۋ، ليزينگ، بروكەرلىك قىزمەتتەر جانە اكتيۆتەردى باسقارۋ، ينكاسساتسيا جانە ت.ب.) ۇسىناتىن Halyk توبىنا كىرەدى. سونىمەن بىرگە بانك ءوز وپەراتسيالارىن رەسەيدە، گرۋزيادا، قىرعىزستاندا، تاجىكستاندا جانە جاقىننان بەرى وزبەكستاندا ىسكە اسىرادى.

نۇربەك داۋرەنبەكوۆ

پىكىرلەر