تۋعان جەرگە قىزمەت ەتكەن جاس مامان

871

ەلىمىزدە بىلىكتى دارىگەر ماماندار جەتىسپەيدى. اسىرەسە اۋىل-ايماق تۇرعىندارى اق حالاتتى مامانعا ءزارۋ. بيىلعى جىلى بىرنەشە مىڭ تۇلەك جوعارى مەديتسينا ۋنيۆەرسيتەتتەرىندە ءبىلىم گرانتتارىن يەلەندى. بىلىكتىلىگىن ارتتىرعان مەديتسينا قىزمەتكەرلەرى اۋىلدىق جەرلەرگە جۇمىسقا جىبەرىلۋدە. اۋىلداعى مامان تاپشىلىعىنا جول بەرمەس ءۇشىن بۇگىننەن باستاپ جۇمىس ىستەۋىمىز كەرەك.

وڭتۇستىك وڭىرىندە دارىگەرلەر تاپشىلىعى سەزىلمەسە دە، سۇرانىس باسىم. دەسە دە، ديپلوم العان جاستاردىڭ بارلىعىنىڭ بىردەي اۋىلعا بارعىسى كەلمەيدى. بارعانىنىڭ وزىندە سول اۋىلدا تۇراقتاپ قالۋى ەكى تالاي. بىراق وعان قاراماي قىزمەت ەتەتىن ماماندار دا جەتەرلىك. سونىڭ ءبىرى دارىگەر - ءمولدىر دانياروۆا. ول قاراعاندى مەملەكەتتىك مەديتسينا ۋنيۆەرسيتەتىن بىتىرگەن. جانە 2016 جىلدىڭ 24 تامىزىنان بەرى تۇركىستان وبلىسى، سارىاعاش اۋدانى، قۇركەلەس اۋىل وكرۋگى، اقبۋرا دارىگەرلىك ەمحاناسىندا دارىگەر بولىپ جۇمىس ىستەيدى. ول قازىرگى تاڭدا تاجىريبەلى مەديتسينا قىزمەتكەرى. كەزىندە تاۋەكەلگە بەل بۋىپ، اۋىلدا قىزمەت ەتىپ جۇرگەن ءمولدىر قازىر اۋىل تۇرعىندارىنىڭ العىسىنا بولەنۋدە. بىلىكتى ماماندار كەز-كەلگەن جەرگە كەرەك، اسىرەسە شالعاي ەلدىمەكەندەرگە. دارىگەرلىك جول وتە اۋىر. سول ءومىردىڭ قيىنشىلىعىنا ءتوزىپ ەڭبەك ەتىپ جۇرگەن اق حالاتتى ابزال جاندارىمىزدىڭ ەڭبەگىن ءاردايىم لايىقتى باعالاۋىمىز قاجەت.

(ازاماتتىق باستامالاردى قولداۋ ورتالىعىنىڭ تاپسىرىسىمەن

"تۋعان جەر" جوباسىنىڭ اياسىندا جازىلدى)

پىكىرلەر
رەداكتسيا تاڭداۋى