جۋالى اۋدانىنىڭ دامۋ اۋقىمى جوعارى (فوتورەپارتاج)

1326

جۋالى اۋدانىندا سوڭعى 9 ايدا 36 ميلليارد تەڭگەنىڭ ءونىمىن ءوندىرىپ، اۋقىمدى جەتىستىككە جەتتى. ناقتىراق ايتساق بۇل كورسەتكىش وتكەن جىلمەن سالىستىرعاندا 17,7  پايىزعا وسكەن. سونداي-اق قۇرىلىس سالاسى 9,8, ءمۇيىزدى ءىرى قارا 2,4, قوي ەشكى 3,6 پايىزعا ارتقان. بۇدان بولەك جۋالى اۋدانىندا ءتۋريزمدى دامىتۋ ءۇشىن «قاراالما» تاۋ-شاڭعى كەشەنى سالىنىپ جاتىر. ءبىر سوزبەن ايتقاندا اۋداننىڭ الەۋمەتتىك-ەكونوميكالىق جاعدايى جوعارى بولىپ وتىر.

         

جۋالى اۋدانىنىڭ قىسى وزگە اۋداندارمەن سالىستىرعاندا قىتىمىر بولىپ كەلەدى. سوندىقتان دا اتالعان اۋدان قىس مەزگىلىنە ايرىقشا دايىندالادى. اۋدانداعى 561,2 شارشى شاقىرىم جەردىڭ 58,1 شاقىرىمى «قازاۆتوجول» رمك تيەسىلى.

         

كاسىپكەر نۇريلا مالىبەكوۆا 1956 جىلى سالىنعان عيماراتتى 77 ملن تەڭگە جەڭىلدەتىلگەن نەسيە الىپ، كۇردەلى جۇمىستارىن جۇرگىزگەن. قازىرگى تاڭدا Nurai Plaza عيماراتىندا «ءبىلىمدى ۇرپاق» ءبىلىم ورتالىعىن اشىپ، 300-گە جۋىق بالانى وقىتىپ جاتىر. سونداي-اق اتالعان ورتالىقتا 25 ادام ەكى قوعا ءبىر كۇرەك تاۋىپ وتىر.

           

2011 جىلى قۇرىلعان «اگروازىق-تۇلىك نانمەن جابدىقتاۋ» جشس  بيىل 1000 توننا ماقسارى مايىن ءوندىرىپتى. تاۋلىگىنە 15 تونناعا جۋىق ماقسارى مايىن ءوندىرىپ وتىرعان سەرىكتەستىك 23 ادامدى تۇراقتى جۇمىسپەن قامتىپ وتىر.

         

«كوكسايدا» جوبا قۇنى 13,2 ملن اقش دوللارى بولاتىن «قازگيدرووپەرەيتينگ» جشس-ءنىڭ سۋ ەلەكتر ستانساسى سالىنىپ جاتىر. ستانسانىڭ تەحنيكالىق ءوندىرىس باسشىسى ايتقالي ورىنباساروۆتىڭ ايتۋىنشا، قۋاتتىلىعى 18 مۆت-نى قۇرايتىن 5 جلەكتر ستانساسى بوي كوتەرمەك.

«ادىرنا»

ۇلتتىق پورتالى

پىكىرلەر
رەداكتسيا تاڭداۋى