پاۆلودار قالاسىندا ءدارىس ۇيىمداستىرىلدى

296

ادىرنا - ۇلتتىق-ەتنوگرافيالىق بىرلەستىگى "ازاماتتىق باستامالاردى قولداۋ ورتالىعى" كەاق-نىڭ ( CISC ) مەملەكەتتىك گرانتى اياسىندا قر اقپارات جانە قوعامدىق دامۋ مينيسترلىگىءنىڭ قولداۋىمەن جۇزەگە اسىرىلۋ ۇستىندەگى ء"داستۇرلى رۋxاني قۇندىلىقتاردى قولداۋ جونىندەگى جۇمىستاردى ۇيىمداستىرۋ" جوباسى بويىنشا پاۆلودار قالاسىندا ءدارىس ۇيىمداستىردى.

قازاق حالقىنىڭ باي ەجەلگى مادەنيەتى جونىندەگى ءدارىس س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىندە جۇزەگە استى. ءىس-شارادا ۋنيۆەرسيتەتتىڭ پروفەسسورى سەرىك ەلىكباي العاشقى بولىپ ءسوز سويلەپ، ستۋدەنتتەردى قوناقتارمەن قىسقاشا تانىستىردى.


دارىسكەرلەر رەتىندە ءدىنتانۋشى، ءماشhۇر-ءجۇسىپتىڭ نەمەرەسى، اتاۋلى ۋنيۆەرسيتەتتىڭ ءماشhۇر-ءجۇسىپ ورتالىعىنىڭ ديرەكتورى، ءماشhۇر-ءجۇسىپ قورىنىڭ پرەزيدەنتى ەرتاي قۋاندىقۇلى جانە وسى جولداردىڭ اۆتورى ر.ب. سۇلەيمەنوۆ اتىنداعى شىعىستانۋ ينستيتۋتىنىڭ كىشى عىلىمي قىزمەتكەرى ارمان اۋباكىر جاستاردى ءوز ەلىن سۇيۋگە، وتان قورعاۋعا، اتا-انالارىن قۇرمەتتەۋگە شاقىرىپ، عىلىم-بىلىمگە قۇشتارلىقتى ارتتىرۋ، ەڭبەكقورلىققا باۋلۋ، ۇلتتىق قۇندىلىقتاردى اسپەتتەۋ باعىتىندا قۇندى اڭگىمەلەر ايتتى.
شارا سوڭىندا اقپاراتتىق-تانىمدىق بۋكلەتتەر تاراتىلىپ، جاستاردىڭ ءدارىستى قانشالىقتى تۇسىنگەنىن انىقتاۋ ماقساتىندا شاعىن ساۋالناما جۇرگىزىلدى.

"ادىرنا" ۇلتتىق پورتالى

پىكىرلەر