تۋعان ولكە  - جامبىلىم جىر بەسىگىم!

172

 

 

مىڭجىلدىق شەجىرەسىن شەرتكەن ءوڭىر،

تاريحى مەن تانىلعان ءاربىر جەرىڭ.

ءار اۋدانى ادەمى تاۋ-تاسىمەن

ماقتان ەتەر ءبىرتۋار بار ەرلەرىڭ.

 

ۇلى جامبىل، وبلىسىم اتىن العان،

ون اۋدان مەكەنىنەن قۇرالعان.

ءار اۋداننىڭ دارحان  جەرى، ەلى باي

تاۋىندا تايبۋرىلدىڭ تاسى قالعان.

 

قۇلان، بوكەي تاۋلى جەر تابيعاتى،

اق قايىڭ، شىرشاسى مەن بار ارشاسى.

سارقىراي كوكساي، اقساي وزەندەرى

جۋالى – جاسىل مەكەن جەر جاناتى.

 

جوڭعارلارمەن ارىستانداي ايقاسقان،

رىسبەك باتىر ازات ءۇشىن شايقاسقان

باۋىرجانداي جاۋىنگەرىن الەم بىلەر

ەرلىگىمەن اتى اڭىزعا اينالعان.

 

ءتىلى وتكىر شەرحان سىندى قايراتكەرىن،

ەل ۇمىتپاس جاناشىر قالامگەرىن.

ايتىپ ءوتۋ مۇمكىن ەمەس كورۋ قاجەت

اۋليە شاقپاق سىندى ءىرى جەرلەرىن.

 

ەكى مىڭجىلدىق استام تاريحى بار،

ۇڭگىردەگى كونە جازۋ دالەل بولار،

ايشا ءبيبى، تەكتۇرماس كەسەنەلەر

جامبىل اۋدان ساۋلەتىن تولىقتىرار.

 

مەركىنىڭ شيپالى مىڭ بۇلاعى،

سپاتاي باتىرمەنەن شىققان اتى.

اسانباي ەڭبەگىنىڭ ءبىر ۇشقىنى

«جۇماق پەن توزاق» اتتى جىر جيناعى

 

كەڭەس اتا ەسىمى تانىس ەلگە

قازاق-قىرعىز اقىنى تالاي جەرگە

حالقىمىزدىڭ باي ءداستۇرىن جەتكىزگەن،

ولەڭمەنەن جىرمەنەن بۇل داۋىرگە.

 

قورداي باتىر ەرلىگىمەن ءىز قالدىرعان،

اۋدان بولىپ قورداي اتى ساقتالعان.

ناۋرىزباي مەن وتەگەن باتىرلارى

تاۋەلسىزدىك جولىندا شاحھيت بولعان.

 

تالاسىم بي باتىرلار مەكەنى ەكەن،

العاشقى ادامدار دا مەكەندەگەن.

سۋى دا، اۋاسى دا جانعا شيپا

تانىمال تامدى اۋليە جەرلەرىمەن.

 

اقتابان شۇبىرىندى زامانىندا،

قاسقايا قارسى تۇرعان داۋىلداردا.

كوشەك ساڭىراق باتىر بابالارى

ەستە قالعان ەرلىگى مەن ەل اۋزىندا.

 

كەڭەستىڭ باتىرلارى شىققان مەكەن،

ەلۋ توعىز ەڭبەك ەرىن تاپقان ولكەم،

مىرزاتاي اعامىزداي ەرلەرى بار،

ەلىنە جان اياماي تەرىن توككەن.

 

تۋعان ولكە – جامبىلىم جىر بەسىگىم،

ءوزىڭ جايلى كوپتەگەن جىر ەستىدىم.

مەرەي تويىڭ قۇتتى بولسىن اسقاق ولكەم،

ىستىق ماعان جامبىل اتتى ەسىمىڭ.

 

اقسۇڭقار تورەحانقىزى

 

 

 

 

 

 

پىكىرلەر