بىرلىك – بەرەكە باستاۋى

203

8 قاراشا  2019  ج.   قازاق ۇلتتىق قىزدار پەداگوگيكالىق ۋنيۆەرسيتەتىنىڭ شەتەل تىلدەرىن وقىتۋ ادىستەمەسى كافەدراسى جانە الماتى قالاسىنداعى «ادىرنا» ۇلتتىق-ەتنوگرافيالىق بىرلەستىگىنىڭ ۇيىمداستىرۋىمەن   «بىرلىك –بەرەكە باستاۋى» اتتى مادەني-ءىس شارا بولىپ ءوتتى. كەشتىڭ  ماقساتى:  قازاقستانداعى ەل بىرلىگى يدەياسىن  ناسيحاتتاۋ بولىپ تابىلادى. بۇل كەشكە قازاق فيلولوگياسى  جانە الەم تىلدەرى فاكۋلتەتىنىڭ  دەكانى، ف.ع.د.، پروفەسسور  ج.ك.قيىنوۆا،  قازاقستان كۇردىلەرىنىڭ «باربانگ» اسسوتسياتسياسى  پرەزيدەنتى، حالىقارالىق جوعارعى مەكتەپ اكادەمياسىنىڭ اكادەميگى،  ف.ع.د.، پروفەسسور  ك.ي.ميرزوەۆ،  «ادىرنا»  ۇلتتىق-ەتنوگرافيالىق بىرلەستىگىنىڭ   وكىلى بەردالى  وسپان، شەتەل تىلدەرىن وقىتۋ ادىستەمەسى كافەدراسىنىڭ مەڭگەرۋشىسى، PhD ا.م. جالالوۆا، كافەدرانىڭ وقىتۋشىلارى جانە قازاق فيلولوگياسى  جانە الەم تىلدەرى فاكۋلتەتىنىڭ  ستۋدەنتتەرى مەن  ماگيسترانتتارى قاتىستى.

الدىمەن شارانى شەتەل تىلدەرىن وقىتۋ ادىستەمەسى كافەدراسىنىڭ مەڭگەرۋشىسى، PhD ا.م. جالالوۆا مادەني-ءىس شارانى  اشىپ بەرىپ،  كەلگەن قوناقتارمەن تانستىردى جانە مۇنداي ءىس-شارانىڭ ءبىلىم الۋشىلارعا بەرەر تاعلىمى زور ەكەنىن ءتۇسىندىرىپ، ءسوز تىزگىنىن «ادىرنا»  ۇلتتىق-ەتنوگرافيالىق بىرلەستىگىنىڭ بەلگىلى ءجۋرناليستى، مادەنيەتتانۋشى بەردالى وسپانعا بەردى. بەردالى وسپان ءوز كەزەگىندە  قازاق ۇلتتىق قىزدار پەداگوگيكالىق ۋنيۆەرسيتەتىنىڭ ەلىمىزدەگى جوعارى وقۋ ورىندارىنىڭ ىشىندەگى  تەك  قىزداردى  بىلىممەن سۋسىنداتىپ  وتىرعان بىرەگەي وقۋ ورنى ەكەنىندىگىن اتاپ ءوتتى.

 

ۇلتتىق تاربيەدە قازاق قىزدارىنىڭ ءرولى ەرەكشە ەكەنىن ايتا وتىرىپ، ۇلتتىق سانانى جەتىلدىرۋدە ءبىلىمنىڭ الاتىن ورنى ۇشان تەڭىز ەكەنىن اتاپ ءوتتى. سودان سوڭ، ءسوز تىگىنى  قازاقستان كۇردىلەرىنىڭ «باربانگ» اسسوتسياتسياسى» پرەزيدەنتى، حالىقارالىق  جوعارعى مەكتەپ اكادەمياسىنىڭ اكادەميگى،  ف.ع.د.، پروفەسسور  ك.ي.ميرزوەۆكە بەرىلدى. ك.ي.ميرزوەۆ ءوز ءومىر جولىمەن تانىستىرا وتىرىپ، بىرنەشە جىلدان بەرى  قازاق جەرىندە تاتۋ-ءتاتتى تۇرىپ جاتقانىن ماقتانىشپەن  ايتىپ، قازاقستانداعى ەل بىرلىگى يدەياسىن  ناسيحاتتاي وتىرىپ، ۇلتارالىق قاتىناستىڭ دۇرىس  جولعا قويىلۋى، حالىقتار دوستىعىنىڭ نىعايۋى، سونىڭ ىشىندە  بiزدiڭ قازاقستان سياقتى كوپ ۇلتتىڭ وكiلi تۇراتىن، دەموكراتيالىق جولمەن دامىپ كەلە جاتقان رەسپۋبليكا ءۇشiن وتە كەرەك دەپ كورسەتتى.

قازاق فيلولوگياسى  جانە الەم تىلدەرى فاكۋلتەتىنىڭ  دەكانى، ف.ع.د.، پروفەسسور  ج.ك.قيىنوۆا دا جاستارعا  وسى مادەني ءىس-شارانىڭ ەلدىڭ بىرلىگىن، تۇتاستىعىن ساقتاۋدا ماڭىزدى  جانە  جاستاردىڭ تانىمدىعىن ارتتىراتىن  ىس-شارا ەكەندىگىنە   توقتالىپ ءوتتى.

مادەني ءىس-شارا  سوڭىندا ستۋدەنتتەر وزدەرىن قىزىقتىرىپ جۇرگەن سۇراقتارىن قويىپ، كەش قوناقتارىمەن ءوز ويلارىن ءبولىستى.

  سادىقوۆا ر.ك.

 

پىكىرلەر