وزگە ۇلت وكىلدەرى قازاق ءتىلىن دارىپتەۋدە

234

6 قاراشا كۇنى ساعات 16:00-دە قر اقپارات جانە قوعامدىق دامۋ مينيسترلىگىءنىڭ ازاماتتىق باستامالاردى قولداۋ ورتالىعىنىڭ ( CISC ) "تۋعان جەر" پاتريوتتىق رەسپۋبليكالىق جوباسى اياسىندا ادىرنا - ۇلتتىق-ەتنوگرافيالىق بىرلەستىگى مەن اقمولا وبلىستىق قازاقستان حالقى اسسامبلەياسىمەن بىرلەسىپ وزگە ۇلت وكىلدەرى اراسىندا "تۋعان جەرىم - قازاقستانىم" اتتى پوەزيالىق بايقاۋ ۇيىمداستىردى.

 

14-29 جاس ارالىعىنداعى جاس وزگە ۇلت وكىلدەرى قازاق اقىندارىنىڭ ەل مەن جەر، وتان تاقىرىبىنداعى پاتريوتتىق ولەڭدەرىن مانەرلەپ وقىپ ءوزارا باسەكەگە ءتۇستى.
جەڭىمپازدار اقشالاي سىيلىقتارمەن، ديپلومدارمەن ماراپاتتالدى.
جالپى اتاۋلى بايقاۋدا 20-دان استام قاتىسۋشى باق سىنادى. ولاردىڭ باسىم بولىگى ورىس ۇلتىنىڭ وكىلى بولدى. قاتىسۋشىلار اقمولا وبلىسىنىڭ تۇكپىر-تۇكپىرىنەن جانە كوكشەتاۋ قالاسىنان ارنايى كەلىپ باسەكەگە ءتۇستى. كونكۋرسانتتاردىڭ رەپەرتۋارلارى دا وتە باي بولدى. ساكەن سەيفۋللين، قاسىم امانجولوۆتاردان باستاپ بۇگىنگى مارالتاي، قالقاماندارعا دەيىنگى كوپتەگەن اقىنداردىڭ شوقتىقتى شىعارمالارى وقىلدى.

جاستار ءبىر-بىرىنەن اسىپ تۇسۋگە تىرىسىپ، تاماشا ونەر كورسەتتى. وندا ءبىرجان سال اتىنداعى مۋزىكالىق كوللەدجدىڭ ستۋدەنتتەرى حالىق اندەرى مەن كۇيلەرىن ورىنداپ، كورەرمەن قاۋىمدى ۇلتتىق مۋزىكا جاۋhارلارىمەن سۋسىنداتتى. ادەبيەت زەرتتەۋشىسى، اقىن ەربولات باياتۇلى, وبلىستىق "ارقا اجارى" باسىلىمىنىڭ ءجۋرناليستى اسىلاي ايجاريحوۆا, اقان سەرى اتىنداعى جوعارى مادەنيەت كوللەدجىنىڭ وقىتۋشىسى تالشىن مولداعالي ءتارىزدى كاسىبي ماماندار قازىلار القاسىنىڭ قۇرامىندا تورەلىك جاسادى.

 


ءىس-شاراعا قولداۋ كورسەتكەن اقمولا وبلىستىق ىشكى ساياسات باسقارماسىنا، ءبىرجان سال اتىنداعى مۋزىكالىق كوللەدج ديرەكتورى سايان مۇحامەديارعا، وڭىرلىك باق وكىلدەرىنە، قازىلار القاسىنا شەكسىز العىس ايتامىز!

 

"ادىرنا" ۇلتتىق پورتالى

پىكىرلەر