قوستاناي قالاسىندا ءدارىس ۇيىمداستىرىلدى

279
ادىرنا - ۇلتتىق-ەتنوگرافيالىق بىرلەستىگى "ازاماتتىق باستامالاردى قولداۋ ورتالىعى" كەاق-نىڭ مەملەكەتتىك گرانتى اياسىندا قر اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىرىلۋ ۇستىندەگى ء"داستۇرلى رۋxاني قۇندىلىقتاردى قولداۋ جونىندەگى جۇمىستاردى ۇيىمداستىرۋ" جوباسى بويىنشا قوستاناي قالاسىندا ءدارىس ۇيىمداستىردى.
قازاق حالقىنىڭ باي ەجەلگى مادەنيەتى جونىندەگى ءدارىس ا. بايتۇرسىنۇلى اتىنداعى قوستاناي مەملەكەتتىك ۋنيۆەرسيتەتىندە جۇزەگە استى. ءىس-شارادا ۋنيۆەرسيتەتتىڭ جانىنداعى ەكونوميكا جانە قۇقىق ينستيتۋتىنىڭ ديرەكتورى، تاريح عىلىمىنىڭ كانديداتى تابۋلدينوۆ الىبەك نۇرماعامبەتۇلى العاشقى بولىپ ءسوز سويلەپ، ستۋدەنتتەردى اتاۋلى جوبامەن قىسقاشا تانىستىردى.
دارىسكەرلەر رەتىندە ءدىنتانۋشى، قوستاناي ءىىد اسكەري اكادەمياسىنىڭ وقىتۋشىسى، تاريح بويىنشا ماگيستر دانيار ابەنوۆ جانە وسى جولداردىڭ اۆتورى ر.ب. سۇلەيمەنوۆ اتىنداعى شىعىستانۋ ينستيتۋتىنىڭ كىشى عىلىمي قىزمەتكەرى ارمان اۋباكىر جاستاردى ءوز ەلىن سۇيۋگە، وتان قورعاۋعا، اتا-انالارىن قۇرمەتتەۋگە شاقىرىپ، عىلىم-بىلىمگە قۇشتارلىقتى ارتتىرۋ، ەڭبەكقورلىققا باۋلۋ، ۇلتتىق قۇندىلىقتاردى اسپەتتەۋ باعىتىندا قۇندى اڭگىمەلەر ايتتى.
شارا سوڭىندا اقپاراتتىق-تانىمدىق بۋكلەتتەر تاراتىلىپ، جاستاردىڭ ءدارىستى قانشالىقتى تۇسىنگەنىن انىقتاۋ ماقساتىندا شاعىن ساۋالناما جۇرگىزىلدى.
ءىس-شارامىزدىڭ وتۋىنە قولداۋ كورسەتكەن ۋنيۆەرسيتەتتىڭ جانىنداعى ەكونوميكا جانە قۇقىق ينستيتۋتىنىڭ ديرەكتورى، تاريح عىلىمىنىڭ كانديداتى تابۋلدەنوۆ الىبەك نۇرماعامبەتۇلى مەن سول وقۋ ورىننىڭ جاستار ءىسى جونىندەگى كوميتەتتىڭ مەڭگەرۋشىسى اليەۆ ورىنباي تاحيرۇلىنا شەكسىز العىس بىلدىرەمىز! 
"ادىرنا" ۇلتتىق پورتالى
 
پىكىرلەر