تانىمال كاسىپكەرلەردەن اقىل-كەڭەس (شابىتتانۋعا دايىن بولىڭىز..)

262

ادامدار "ۋاقىتىم جوق" دەپ ءجيى ايتادى. ۋاقىتتىڭ جوق بولۋى مۇمكىن ەمەس. ءاردايىم ۋاقىت بار. تەك كۇش-قۋات جوق. ماسەلەن، ءسىز جوسپارلاعان جەرىڭىزگە بارا الماي قالۋىڭىز مۇمكىن. ول ۋاقىتتىڭ تاپشىلىعىنان ەمەس، ىشكى قالاۋدىڭ جوقتىعىنان. ال قالاۋ - ەنەرگيانىڭ قاينار كوزى.

مارعۇلان سەيسەمباي

ءومىرىڭ دۇرىس بولسىن دەسەڭ، دۇرىس ءومىر ءسۇرۋ سالتىن قالىپتاستىرۋ كەرەك.
سوندىقتان ادامنىڭ ءومىرىنىڭ ساپاسى، ونىڭ ىشكى رۋحىنا بايلانىستى دەپ ايتار ەدىم.
ەگەر شىنىندا ادامنىڭ رۋحى مىقتى بولسا، ونىڭ تابىسى دا جاقسى بولادى، كوڭىل-كۇيى دە، دەنساۋلىعى دا كەرەمەت بولادى.

احمەتبەك نۇرسيلا

1. كوپ كىتاپ وقى.
2. ەشقاشان ماسەلەدەن قورىقپا.
3. وزىڭە تالاپشىل بول.
4. سوزدەن ءىس الدەقايدا ماڭىزدى، سول ءۇشىن قاتە جاساساڭ دا تىرلىك جاسا.
5. ءبىرىنشى تىرلىگىڭمەن ونىنشى تىرلىگىڭنىڭ رەتىن ءبىل.

اياتجان احمەتجان

 

ادامدارمەن دۇرىس سويلەسە الۋ مەن بىلىكتى مامانداردى قاسىما جيناي الۋىم - مەنىڭ بيزنەستە جەتىستىككە جەتۋىمە سەبەپشى.

قايرات قۇدايبەرگەن

 

جەتىستىككە جەتۋ ءۇشىن، كەۋدەڭنەن جانىن شىققانشا جۇمىس جاساۋدىڭ قاجەتى جوق. اقىلمەن كۇنىنە 1-2 ارەكەت ەتسە دە جەتەدى.

ەدىل ساپارباي

 

ەڭ باستىسى – سەنىم. ءبىز كومپانيامىزعا سەندىك. ماسەلە – تۇسكەن تابىستا ەمەس. ءبىز ءۇشىن تۇتىنۋشىلاردىڭ ريزاشىلىقتارى ەڭ باستى تابىس بولدى. بۇعان ءبىزدىڭ قىزمەتكەرلەرىمىز سەندى. بىزدە مۇلدەم تابىس بولماعان كەزدەگى ءبىر وقيعانى ايتايىن.  مەن مەيرامحانادا ەدىم. مەن تاماقتانىپ بولعان كەزىمدە، مەنىڭ جانىما ءبىر كىسى كەلىپ حات قالدىرىپ كەتتى. بۇل حاتتا، «سالەم، دجەك! مەن Alibaba قولدانامىن. مەن سەنىڭ ودان تابىس تاپپايتىنىڭدى بىلەمىن. سوندىقتان سچەتتى مەن تولەيمىن». وسىعان ۇقساس جاعدايلار ءجيى بولدى. مەن باردا وتىردىم. ءبىر كىسى كەلىپ تەمەكى ۇسىنىپ، قولىما حات ۇستاتتى. حاتتا «سەنىڭ سايتىڭا راحمەت! مەن سەنىڭ ودان اقشا تاپپايتىنىڭدى بىلەمىن. بۇل مەنىڭ ساعان ارناعان كىشكەنە سىيلىعىم». بۇل ءبىزدىڭ باعىتىمىزدىڭ دۇرىس ەكەنىن جەتكىزدى. ءبىز جالعاستىرۋ كەرەك بولدىق. كەلەسى 10 جىلدا، ءبىز شىنىمەن تابىستى بولدىق.

دجەك ما

 

ماعان ومىرشەڭ ادامدار كەرەك!

گوۆارد ترۋمەن

مۇمكىندىك ەشقاشان ءوزى كەلمەيدى. مۇمكىندىكتى ءوزىڭىز قالىپتاستىراسىز.

لۋ حولتس

جەڭىسكە جەتۋدىڭ ەڭ تاماشا جولى ارتىق اۋىز ءسوزدى توقتاتىپ، ىسكە كوشۋ.

ۋولت ديسنەي

ءسىز ءوز ماقساتتارىڭىز مەن ارماندارىڭىزدى قاعازعا ءتۇسىرۋ ارقىلى جۇزەگە اسىراسىز.

مارك ۆيكتور حانسەن

ءسىز ءوزىڭىزدىڭ كىم ەكەنىڭىزدى بىلگىڭىز كەلە مە؟! سۇراماڭىز! ارەكەت ەتىڭىز. ارەكەتىڭىز ءسىزدىڭ كىم ەكەنىڭىزدى كورسەتەدى.

توماس دجەففەرسون

مەن ولۋدەن قورىقپايمىن. مەن ارەكەت ەتپەۋدەن قورقامىن.

جەي ز

ادامدار ءسىزدىڭ ءسوزىڭىزدى، جاقسىلىعىڭىزدى ۇمىتىپ قالادى. بىراق باسىنان كەشكەن سەزىمدى ەشقاشان ەستەن شىعارمايدى.

مايا انجەلا

كەشەگى كۇنىڭىز "بۇگىننىڭ" ۋاقىتىن الماۋى كەرەك.

ۋيلل رودجەرس

 

ءسىز جەتىستىككە جەتكەن ادامدى كورگەن سايىن بيلىك پەن بايلىقتى عانا اڭعاراسىز. بىراق وسى ءۇشىن ۇلكەن قۇرباندىققا بارعانىن بىلمەيسىز.

ۆايبحاۆ شاح

 

ەگەر مەن ءوزىمنىڭ ايەل ەكەنىمدى ءاردايىم ەسكە تۇسىرە بەرگەندە، الدەقاشان ءولىپ قالار ەدىم.

ماريسسا مايەر

 

ءاردايىم بىرەۋدىڭ مۇمكىن ەمەس جانە جاساي المايمىن دەگەن دۇنيەسىمەن جۇمىس جاساڭىز.

بەت كومستوك

 

اتا-انا - ءسىزدىڭ ومىرىڭىزدەگى ەڭ ماڭىزدى ادامدار. بىراق ءسىز ەشقاشان بولاشاق ماماندىعىڭىزعا قاتىستى ايتقاندارىن تىڭداماۋىڭىز كەرەك.

برايان چەسكي

 

 

دايىنداعان اقگۇل ايداربەكقىزى

پىكىرلەر