Hercai - ماحاببات تۋرالى ماڭگى ەرتەگى

284

سوڭعى كەزدەرى كەز كەلگەن قىز بىتكەننىڭ ۇيالاعان ۋايىمى مەن كەۋدەدە مەڭدەگەن قورقىنىشىنا ءدارۋ بولىپ جۇرگەن - "Hercai" تەلەحيكاياسى. ارنايى adyrna.kz پورتالى وقىرمان قاۋىمعا ارناپ، ماحاببات ەرتەگىسىندەگىندەگى سوزدەردى تۇرىك تىلىنەن ءتارجىمالادى.

ءومىر ءبىر عانا كوبەلەكتىڭ عۇمىرىنداي، بىلتەلى شامداي تىم قىسقا. سوندىقتان از عانا ءسات ءۇشىن سۇيىكتىڭدى وكپەلەتۋگە بولمايدى.
***
مەن قوشتاسا دا، تۇراقتاي دا المايتىن ءبىر "بەيمالىم" الەمدەمىن. باستارتۋ مەن قارسى كەلمەۋدىڭ، اق پەن قارانىڭ، جوعالتۋ مەن جاڭا ءومىر باستاۋدىڭ ورتاسىندامىن. قالسام-جان دۇنيەم وتقا ورانادى. كەتسەم-ءومىرىمنىڭ تاس-تالقانى شىعادى.
***
ادامعا عۇمىردى الاڭسىز كەشەتىندەي ياكي ولىممەن قاۋىشتىراتىنداي ءبىر ءسوز ايتۋعا بولادى. بىراق ەشقاشان جارالى كۇيدە قالدىرماۋ كەرەك!
***
سەن، كىمگە وكپەلىسىڭ؟ ساعان قولىڭ سوزعاندا سەن ۇمسىنباعان ادامعا ما؟ الدە سەن يمەنگەندە ساعان قاراي ۇمتىلماعان ادامعا ما؟
***
بالا دەگەن نە ەكەنىن بىلەسىڭ بە؟ بالا- ول مەنىڭ جۇرەگىم. اتا-انا بالاپاندارىن ءوز جۇرەگىندە تىعىپ ۇستايدى. سەبەبى جۇرەك- وتىرىك پەن قاۋىپتەن قۇرالماعان جالعىز عانا مەكەن. سوسىن ولار وزدەرىنىڭ قىزعىشتاي قورىعان بالاپاندارىن وزگەنىڭ جۇرەگىنە تاپسىرادى. مەن ۋىزداي قىزىمدى ساعان اپپاق كويلەكتە اماناتتادىم. ال سەن تاس-تالقانىن شىعاردىن...
***
سەن كەلىپ مەنىڭ قىزعالداق قىزىمدى سۇرادىڭ. مەن ساعان ءبىر كوزىمدى، ءبىر قولىمدى، ءبىر اياعىمدى كەسىپ الدىم دا قولىنا ۇستاتتىم. مەنى ەندى مۇگەدەك، كورسوقىر ەتپە. ول مەنىڭ-بار ءومىرىم!
***
ءومىر-وتپەن تەڭ. جالىنداپ جانا الماساڭ، كۇل بولاسىڭ دا قالاسىڭ.

 

اۋدارعان: اقگۇل ايداربەكقىزى

پىكىرلەر