«اتاڭنان مال قالعانشا، تال قالسىن...»

133

تۋعان جەر ءار ادامعا وزىنشە ىستىق. كىندىك قانى تامعان تۋعان جەردىڭ مەرەيىن ۇستەم ەتىپ، ونى كوركەيتۋ ءار جاننىڭ ويىندا جۇرەتىن ماقساتتىڭ ءبىرى. ەگەمەن ەلىمىزدەگى جاستاردىڭ ءوز تۋعان جەرىن كوركەيتۋگە ات سالىسىپ جاتقاندىعىن كورگەندە بولاشاعىمىزدىڭ جارقىن ەكەندىگىنە كوز جەتكىزەمىز. وسى ورايدا جامبىل وبلىسى، جۋالى اۋدانى، ب.مومىشۇلى اۋىلى اۋىلىنىڭ تۋماسى، جاس كاسىپكەر قۇرالوۆ مەدەتتىڭ ءوز تۋعان جەرىنە جاساعان يگى ىستەرىن ايتساق، ارتىق ەتپەس. قازاقتا «اتاڭنان مال قالعانشا، تال قالسىن» دەگەن جاقسى ءسوز بار. وسى ءسوزدى بويىنا ءسىڭىرىپ وسكەن جاس كاسىپكەر اۋىلىنىڭ گۇلدەنۋى ءۇشىن ءوز ۇلەسىن قوسقان. اۋىلداعى قاراۋسىز قالعان ساياباقتى رەتكە كەلتىرىپ، حالىقتى جەمىسىمەن قۋانتار الما اعاشتارىنىڭ وسۋىنە قولايلى جاعداي تۋعىزدى. «ەلىمىزدىڭ كوركەيۋى ءۇشىن ءار ادام ءوز تۋعان جەرىنەن باستاسا، بۇل دا ءبىر ۇلكەن كومەك. تۋعان جەرىمنىڭ دامۋى مەن ءۇشىن اسا ماڭىزدى»، - دەيدى جاس كاسىپكەر. جاس كاسىپكەر قۇرالوۆ مەدەتتىڭ بۇل يگى ءىسى كوپتەگەن جاستارعا ۇلگى بولارلىق ءىس. كاسىبىن يگى ىستەن باستاعان جاس كاسىپكەرگە الداعى ۋاقىتتا ساتتىلىك تىلەيمىز! ەڭبەگىڭىز جانا بەرسىن دەگىمىز كەلەدى!

(ازاماتتىق باستامالاردى قولداۋ ورتالىعىنىڭ تاپسىرىسىمەن "تۋعان جەر" جوباسىنىڭ اياسىندا جازىلدى)

پىكىرلەر