س. ساۋىتباي: "ەكى ازاماتىمىزدى الىپ قالىپ، الەمگە بىرلىگىمىزدى دالەلدەيىك!"

422

ء"بار تامشى قانىم بولسا دا ءوز ەلىمدە تامسىن" دەپ پانا سۇراپ كەلگەن شىڭجاڭ قازاقتارى قاستەر مۇساحانۇلى مەن مۇراگەر ءالىمۇلى ءدال قازىرگى تاڭدا شقو زايسان قالاسىنداعى ۇقك شەكارا قىزمەتى وكىلدەرىنىڭ قولىندا.

Cوعان وراي اتامەكەنى – قازاقستاننان نە ازاماتتىق، نە بوسقىن مارتەبەسىن الا الماعان شۆەتسياداعى سايراگۇل ساۋىتباي قوس ازاماتقا حالىق بولىپ قولداۋ كورسەتۋىمىزدى سۇرادى، دەپ حابارلايدى adyrna.kz ۇلتتىق پورتالى.

جولدانعان بەينەۇندەۋدە "جاۋىز قىتاي كومپارتياسى قازاق بولعانىمىزدى قىلمىس ەتۋدە. سونداعى ەكى باۋىرىمىزدى قورعاۋىمىز كەرەك"- دەپ اشىنا ايتتى. 

سايراگۇل ساۋىتباي: "بەيبىت زاماندا جاۋىز قىتاي كومپارتياسىنىڭ گەنوتسيد ساياساتىنىڭ قۇربانى بولىپ، ەلىم-جەرىم دەپ باسىما قيىن كۇن تۋعاندا پانا سۇراپ كەلگەن قاسىرەتتى ءبىر انا ەدىم. وزدەرىڭىزدىڭ باۋىرلارىڭىزعا باسىپ، قورعاپ-قولداۋلارىڭىزبەنەن ەركىندىككە جەتىپ، وتباسىممەن، ەكى بالاممەن قايتا باس قوسىپ وتىرمىن. مەنى وسى باقىتقا جەتكىزگەن سىزدەر. ەندى مىنە، مەن كورگەن سول جاۋىزدىققا شىداماي ەلىم بار، جەرىم بار دەپ ەڭىرەپ ەكى ازاماتىمىز دا كەلىپتى. جاۋىز قىتاي كومپارتياسى قازاق بولعانىمىزدى قىلمىس ەتىپ، ءبىزدى وسى كۇيگە ءتۇسىرىپ وتىر. سوندا بىرەسە ورىستىڭ، بىرەسە قىتايدىڭ جاۋىزدىعىنا كونىپ، ءۇنسىز ءولىپ كەتە بەرۋىمىز كەرەك پە ەدى؟! ەكى باۋىرىم، قورعايدى دەپ سەنىپ كەلىپ وتىر. ونىڭ ۇستىنە سول جاقتاعى باۋىرلاردىڭ ايانىشتى تاعدىرىن جەتكىزبەك نيەتتە. مەن بۇل ىستەرىن اسقان ەرلىك دەپ باعالايمىن. ارعى بەتتەگى 3 ميلليون حالقىمىز ازاپتالۋدا. اينالايىن حالقىم، قىتاي جالا جابۋدىڭ اسقان شەبەرى! ەكى ازاماتىمىزدى قورعاپ الىپ قالىپ، الەمگە ەلدىگىمىزدى، ەرلىگىمىزدى، بىرلىگىمىزدى دالەلدەيىك!"- دەدى.

سونداي-اق، قانداسىمىز شۆەتسيادا ءتۇرلى تەلەباعلامالارعا قاتىسىپ، قىتايدىڭ جاۋىزدىعىن اشكەرەلەگەنىن مالىمدەدى.

"مەن شۆەتسياعا كەلگەلى ءبىر كۇندە تىنىش جاتپادىم. ولىمنەن قورىقپاعان مەن، سوندا قىتايدان قورقۋىم كەرەك پە؟ مۇمكىن ەمەس، جانىمدى قىتاي ەمەس، قۇداي الادى. باۋىرلارىم، جوعالعان مالدىڭ دا سۇراۋى بولادى. قىتايداعى باۋىر-تۋىسىڭدى تۇگەندە. ەرتەڭ وكىنىپ قالماۋ ءۇشىن، بۇگىن ارەكەت ەت" - دەپ، اڭگمەسىن تۇيىندەدى.

 

"ادىرنا" ۇلتتىق پورتالى

پىكىرلەر