بۇدان بىلاي قازاقستاندىقتار 5 كۇندىك دەمالىس الىپ تۇرۋعا قۇقىلى

390

بەس كۇنگە سوزىلاتىن الەۋمەتتىك دەمالىستىڭ اقىسى تولەنەدى. ەگەر جۇمىس بەرۋشى دەمالىس بەرۋدەن باس تارتسا، وعان ايىپپۇل سالىنادى،-دەپ حابارلايدى adyrna.kz ۇلتتىق پورتالى.

جۇمىس بەرۋشىلەردىڭ ادامداردىڭ دەنساۋلىعىن ساقتاۋداعى جاۋاپكەرشىلىگىن كۇشەيتۋ ماقساتىندا قول استىنداعى قىزمەتكەرلەرىنە سكرينينگتەن ءوتۋ ءۇشىن مىندەتتى الەۋمەتتىك دەمالىس بەرۋ كوزدەلىپ وتىر. جاڭا نورما "حالىق دەنساۋلىعى جانە دەنساۋلىق ساقتاۋ جۇيەسى تۋرالى" كودەكس جوباسىندا جازىلعان.

"بارلىق ازاماتتىڭ تەگىن سكرينينگتەن وتۋگە قۇقىعى بار. سوندىقتان جۇمىس بەرۋشىلەر ءوز جۇمىسشىلارىنا اقىسى تولەنەتىن دەمالىس بەرۋگە مىندەتتى. ەگەر الەۋمەتتىك دەمالىس بەرۋدەن باس تارتسا، وندا جۇمىس بەرۋشىگە ايىپپۇل سالىنادى", - دەدى ءبىرتانوۆ ءماجىلىس كۋلۋارىندا.

ەگەر جۇمىس بەرۋشى الەۋمەتتىك دەمالىس بەرمەسە، قازاقستاندىقتار ەڭبەك جانە دەنساۋلىق ساقتاۋ مينيسترلىكتەرىندەگى قۇزىرلى ورگاندارعا شاعىمدانا الادى.

 

 

پىكىرلەر